సాగు కలిసి రాలేదనేమనస్తాపంతో రైతు మృతి

సత్యనారాయణ (పాతచిత్రం)

క్రోసూరు, న్యూస్‌టుడే: మండలంలోని బయ్యవరం గ్రామానికి చెందిన దొడ్డా సత్యనారాయణ (60) శనివారం గుండెపోటుతో కన్నుమూశారు. గ్రామస్థులు తెలిపిన వివరాల మేరకు ఆయనకు ఉన్న పొలం రెండెకరాల్లో మిర్చి, మరో రెండెకరాల్లో పత్తి సాగు చేశారు. ప్రకృతి వైపరీత్యాలతో పంటలు అనకూలంగా లేవని మనస్తాపానికి గురై ఆవేదన చెందుతున్నారు. శుక్రవారం రాత్రి అందరితో కలివిడిగా ఉన్న సత్యనారాయణ శనివారం తెల్లవారుజాముకు తీవ్రమైన గుండె నొప్పితో మృతి చెందారు. ఈయనకు భార్య కోటేశ్వరమ్మ ఉన్నారు. విషయం తెలుసుకున్న వీఆర్వో కృష్ణారావు వివరాలు నమోదు చేసుకున్నారు.