వృద్ధురాలిపై యువకుడి అత్యాచారం

లాడ్జిసెంటర్‌, న్యూస్‌టుడే: గుంటూరు గ్రామీణ మండలం వెంగళాయపాలెంలో దారుణం చోటుచేసుకుంది. నల్లపాడు పోలీసులు తెలిపిన వివరాల మేరకు వెంగళాయపాళెంకు చెందిన వృద్ధురాలిపై అదే గ్రామానికి చెందిన 22 ఏళ్ల యువకుడు శుక్రవారం రాత్రి అత్యాచారానికి పాల్పడ్డాడు. బాధితురాలు కేకలు వేయడంతో ఇరుగు పొరుగు వారు రాగా అతను పారిపోయాడు. మళ్లీ కొద్దిసేపటి తరువాత వచ్చిన యువకుడు ఆమె నోటిలో గుడ్డలు కుక్కి అఘాయిత్యానికి పాల్పడుతుండగా కుక్కలు చేరి మొరగడం మొదలుపెట్టాయి. సమీపంలోని వారు వచ్చి నిందితుడికి దేహశుద్ధి చేశారు. అనంతరం అక్కడి నుంచి పరారయ్యాడు. బాధితురాలి కుటుంబ సభ్యుల ఫిర్యాదు మేరకు పోలీసులు కేసు నమోదు చేసి దర్యాప్తు చేస్తున్నారు.