logo

Arudra: ధైర్యం వచ్చింది.. ఇక కాకినాడలోనే ఉంటా: ఆరుద్ర

వైకాపా నేతలు, పోలీసుల వేధింపులు కారణంగా కూతురు సాయితో కలిసి వారణాసిలో తలదాచుకుంటున్నానని.. చంద్రబాబునాయుడు ఆధ్వర్యంలో ప్రభుత్వం ఏర్పడిన తర్వాత ధైర్యం వచ్చిందని, కాకినాడలోనే ఉంటానని రాజులపల్లి ఆరుద్ర తెలిపారు.

Updated : 13 Jun 2024 09:08 IST

రాజులపల్లి ఆరుద్ర

సర్పవరం జంక్షన్, న్యూస్‌టుడే: వైకాపా నేతలు, పోలీసుల వేధింపులు కారణంగా కూతురు సాయితో కలిసి వారణాసిలో తలదాచుకుంటున్నానని.. చంద్రబాబునాయుడు ఆధ్వర్యంలో ప్రభుత్వం ఏర్పడిన తర్వాత ధైర్యం వచ్చిందని, కాకినాడలోనే ఉంటానని రాజులపల్లి ఆరుద్ర తెలిపారు. వైకాపా ప్రభుత్వంలో ఇబ్బందులు పడ్డ వారికి కూటమి ప్రభుత్వం నుంచి అందిన ఆహ్వానం మేరకు ఆమె బుధవారం చంద్రబాబు ప్రమాణ స్వీకారానికి హాజరయ్యారు. రద్దీ ఎక్కువగా ఉండటంతో కుమార్తెను భర్తతో కలిపి వెనక్కి పంపి.. ఆమె మాత్రమే కార్యక్రమంలో పాల్గొన్నారు. అనంతరం ఆరుద్ర మాట్లాడుతూ.. విజయవాడలో రెండు రోజులు ఉండి చంద్రబాబు, పవన్‌కల్యాణ్, లోకేష్‌లను కలసి వస్తానన్నారు. కొత్త ప్రభుత్వంలో తన కూతురికి వైద్యం చేయించుకుని, ఆమె ఆరోగ్యం బాగుపడితే చాలని చెప్పారు. తనకు ఆహ్వానం పంపడం సంతోషంగా ఉందన్నారు. గతంలో ఏపీకి రావాలంటే భయపడాల్సి వచ్చేదని, ఇప్పుడు ధైర్యంగా ఉందన్నారు. వైకాపా ప్రభుత్వం నుంచి పెద్దమొత్తంలో డబ్బులు అందుకున్నట్లు తనపై కొందరు వైకాపా నాయకులు ఆరోపణలు చేశారని.. కానీ ఒక్క రూపాయి కూడా అందలేదన్నారు. తనకు సాయం చేసిన వారి వివరాలను ఆమె వెల్లడించారు. తన బిడ్డ ప్రాణాలతో ఉందంటే మీడియానే కారణమన్న ఆమె.. ఇది రాష్ట్రంలోని అందరి ఆడపిల్లల గెలుపన్నారు. తనకు అన్ని రకాలుగా సహకారం అందించిన మీడియా సంస్థలు, ప్రతనిధులకు కృతజ్ఞతలు తెలిపారు.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని

ap-districts
ts-districts

సుఖీభవ

చదువు