పామును మెడలో వేసుకుని సైకిల్‌ సవారీ!

సర్పధారి

బెళగావి, న్యూస్‌టుడే: సాధారణంగా పాము కనిపిస్తే (అది విషకారి కానప్పటికీ) ఆమడదూరం పరుగులు తీస్తుంటారు. అయితే బెళగావి జిల్లాలోని హంగరగా గ్రామంలో శనివారం మధ్యాహ్నం ఓ వృద్ధుడు పామును మెడలో వేసుకుని సైకిల్‌ సవారీ చేశారు. ఈ దృశ్యాన్ని ఓ ఔత్సాహిక యువకుడు వీడియో తీసి సామాజిక మాధ్యమాల్లో పోస్ట్‌ చేశారు. మెడలో పాముతో సైకిల్‌పై రివ్వున దూసుకెళ్లిన ఆ వృద్ధుడు గ్రామానికి సమీపంలోని తన పొలం పక్కనున్న అడవిలో ఆ పామును వదిలి పెట్టాడు. సర్పధారి అయిన ఆ వృద్ధుడిని చూసేందుకు హంగరగా గ్రామస్థులు ఉత్సాహం చూపారు. వృద్ధుడి ధైర్యాన్ని మెచ్చుకుంటూ ముక్కునవేలేసుకున్నారు.