Suicide: ఆరో అంతస్తు పైనుంచి పడి సాఫ్ట్‌వేర్‌ ఇంజినీర్‌ ఆత్మహత్య

​​​​

రాయదుర్గం, న్యూస్‌టుడే: హాస్టల్‌ భవనంపై నుంచి కింద పడి ఓ సాఫ్ట్‌వేర్‌ ఉద్యోగి ఆత్మహత్యకు పాల్పడిన ఘటన గచ్చిబౌలి టెలికంనగర్‌లో జరిగింది. స్థానికులు, పోలీసుల కథనం ప్రకారం.. ఏపీ ఒంగోలు పట్టణానికి చెందిన పిడుగు సురేంద్రరెడ్డి(30) నెల క్రితం నగరానికివచ్చి టెలికాంనగర్‌లోని స్టోన్‌ రూఫ్‌ పీజీ హాస్టల్‌లో ఉంటున్నారు. నానక్‌రాంగూడలోని క్యాప్‌ జెమినీ సంస్థలో సాఫ్ట్‌వేర్‌ ఇంజినీర్‌గా ఉద్యోగంలో చేరారు. బుధవారం అర్ధరాత్రి దాటాక తానుంటున్న హాస్టల్‌ భవనం 6వఅంతస్తుపై నుంచి దూకాడు. తీవ్ర గాయాలపాలై అక్కడికక్కడే మృతి చెందారు. కొన్నాళ్లు ఉద్యోగాన్వేషణలో ఉన్న ఆయనకు ఇటీవలే ఆ సంస్థలో ఉద్యోగం లభించింది. అయితే ఇతను మద్యం తాగినట్లు.. ఆ మత్తులో ‘నేను ఆత్మహత్య చేసుకుంటా’ అని పలువురితో అన్నట్లు సమాచారం. ఆందోళన చెందిన స్థానికులు డయల్‌ 100కు ఫోన్‌ చేశారు. వారువచ్చాక అతను మౌనంగా ఉండటంతో వెనక్కి వెళ్లారు. శవపరీక్షల అనంతరం మృతదేహాన్ని కుటుంబ సభ్యులకు అప్పగించారు. కేసు దర్యాప్తు చేస్తున్నట్లు రాయదుర్గం ఇన్‌స్పెక్టర్‌ తిరుపతి తెలిపారు.