TS News: ఇంటర్‌ బోర్డు కార్యాలయం ముట్టడికి ఏబీవీపీ యత్నం.. తీవ్ర ఉద్రిక్తత

హైదరాబాద్‌: తెలంగాణ ఇంటర్‌ బోర్డు కార్యాలయం ముట్టడికి అఖిల భారత విద్యార్థి సమాఖ్య(ఏబీవీపీ) యత్నించింది. బషీర్‌బాగ్‌లోని కార్యాలయానికి ర్యాలీగా వచ్చిన సమాఖ్య నాయకులు రోడ్డుపై బైఠాయించి రాష్ట్ర ప్రభుత్వానికి వ్యతిరేకంగా నినాదాలు చేశారు. కార్యాలయం ముందు పోలీసులు బారీకేడ్లు ఏర్పాటు చేసినా.. ఏబీవీపీ నాయకులు లోపలికి వెళ్లేందుకు యత్నించడంతో పోలీసులు అడ్డుకున్నారు. దీంతో అక్కడ తీవ్ర ఉద్రిక్తత నెలకొంది. ఇటీవల విడుదలైన ఇంటర్‌ ప్రథమ సంవత్సరం ఫలితాల్లో విద్యార్థులకు అన్యాయం జరిగిందని సమాఖ్య నాయకులు మండిపడ్డారు. విద్యార్థుల ఆత్మహత్యలకు రాష్ట్ర ప్రభుత్వమే బాధ్యత వహించాలన్నారు. తక్కువ మార్కులు వచ్చిన విద్యార్థులు.. వెంటనే పరీక్షలు రాసే అవకాశం కల్పించాలని డిమాండ్ చేశారు. అనంతరం సమాఖ్య నాయకులను పోలీసులు పీఎస్‌కు తరలించారు.