ఆశ్చర్యం.. ఆలయానికి పాడెపై వచ్చి మొక్కు చెల్లింపు

సేలం, న్యూస్‌టుడే: ఓ భక్తుడు శవంగా పాడెపై ఊరేగింపుగా వచ్చి అమ్మవారికి కానుకలు చెల్లించి తన మొక్కు తీర్చిన ఘటన సేలంలో చోటుచేసుకుంది. సేలం జిల్లా జారికొండలాంపట్టి మారియమ్మన్‌ కాళియమ్మన్‌ ఉత్సవాలు జరుగుతున్నాయి. ఈ ఉత్సవాల్లో ఓ భక్తుడు శవం వేషం ధరించి పాడెపై వచ్చాడు.S

ఇందుకుగాను కొండలాంపట్టిలోని బస్టాండ్‌లో పందిరి వేసి శవానికి చేసే అన్ని ఏర్పాట్లు చేశారు. అదే సమయంలో కుటుంబ సభ్యులు, బంధువులు అంత్యక్రియల్లో పాల్గొన్న మాదిరిగానే వ్యవహరించడం గమనార్హం. అనంతరం పాడెపై అతన్ని ఊరేగింపుగా శ్మశానికి తీసుకెళ్లి వెంట తీసుకొచ్చిన కోడిని మాత్రమే పూడ్చిపెట్టారు. అనంతరం అక్కడి నుంచి నేరుగా ఆలయానికి వెళ్లి అమ్మవారిని దర్శించుకున్నాడు.