Hyd News: యజమాని మందలింపు.. ఉద్యోగి ఆత్మహత్య

వనస్థలిపురం, న్యూస్‌టుడే: యజమాని మందలించినందుకు మనస్తాపంతో ఓ ఉద్యోగి ఆత్మహత్యకు పాల్పడిన ఘటన వనస్థలిపురం ఠాణా పరిధిలో చోటుచేసుకుంది. పోలీసుల కథనం ప్రకారం.. యాదాద్రి జిల్లా, పోచంపల్లి మండలం దంతూరుకు చెందిన జి.సత్యనారాయణ(46) వనస్థలిపురం సాయినాథ్‌ కాలనీలో ఉంటూ స్థానికంగా ఓ ఫైనాన్స్‌ కంపెనీలో విధులు నిర్వహిస్తున్నాడు. కంపెనీ డబ్బును సొంత అవసరాలకు వాడుకున్నాడు. ఈ విషయమై యజమాని మందలించాడు. డబ్బు తిరిగి చెల్లించాలనడంతో కొంత చెల్లించాడు. ఈ క్రమంలో మంగళవారం రాత్రి ఇంట్లో ఉరేసుకొని బలవన్మరణానికి పాల్పడ్డాడు. యజమాని తిట్టినందుకు తన భర్త ఆత్మహత్యకు పాల్పడ్డాడని మృతుని భార్య పోలీసులకు ఫిర్యాదు చేయడంతో కేసు నమోదుచేసి దర్యాప్తు చేస్తున్నారు. మృతుని బంధువులు ఆందోళన చేసేందుకు ఠాణాకు చేరుకున్నారు. ఇరువర్గాల మధ్య ఒప్పందం కుదరడంతో ఆందోళన విరమించి ఇంటికి వెళ్లి పోయారు.