Tamil Nadu: సముద్రం నీటిని పీల్చిన మేఘాలు.. సోషల్‌ మీడియాలో వైరల్‌

మేఘాలు సముద్రపు నీటిని లాక్కుంటున్న దృశ్యం

వేలచ్చేరి, న్యూస్‌టుడే: కన్యాకుమారి సమీపంలో సముద్రపు నీటిని మేఘాలు పీల్చుతున్న దృశాలు సామాజిక మాధ్యమాల్లో వైరల్‌గా మారాయి. రాష్ట్రంలో నెలకొంటున్న వాతావరణ మార్పుల కారణంగా కన్యాకుమారి జిల్లాలో అనేక ప్రాంతాల్లో వర్షాలు కురుస్తాయని వాతావరణం కేంద్ర తెలిపింది. ఆమేరకు జిల్లాలో అక్కడక్కడా జల్లులు పడుతున్నాయి. కన్యాకుమారి సమీపంలోని తూత్తూర్‌లో శనివారం సాయంత్రం నుంచి సముద్రం కల్లోలంగా కనిపించింది. ఈనేపథ్యంలో తీరంలో ఉన్న జాలర్లు తూత్తూర్‌ సముద్రంలో నెలకొంటున్న పరిస్థితులను గమనిస్తున్నారు. శనివారం సాయంత్రం 6 గంటల నుంచి సుమారు 30 నిముషాలపాటు మేఘాలు సముద్రపు నీటిని పీల్చుతున్న దృశ్యాలను చిత్రీకరించి సామాజిక మాధ్యమాల్లో పోస్ట్‌ చేశారు.