Andhra News: చేతిరాత పోటీల్లో కలెక్టర్‌ తనయుడి ప్రతిభ

భీమవరం పట్టణం, న్యూస్‌టుడే: మూడేళ్లకోసారి నిర్వహించే రాష్ట్రస్థాయి కాలిగ్రఫీ (చేతిరాత) పోటీల్లో పశ్చిమగోదావరి జిల్లా కలెక్టర్‌ పి.ప్రశాంతి తనయుడు జివితేష్‌ ప్రథమస్థానంలో నిలిచినట్లు హ్యాండ్‌ రైటింగ్‌ ట్రైనింగ్‌ అసోసియేషన్‌ ప్రతినిధి, విజయవాడకు చెందిన శిక్షకుడు పి.భువనచంద్ర మంగళవారం ఓ ప్రకటనలో తెలిపారు. 7 నుంచి 10వ తరగతి విద్యార్థులు 1672 మంది ఆన్‌లైన్‌ పరీక్షలో పాల్గొనగా జివితేష్‌ ప్రథమస్థానంలో నిలిచి లెజెండ్‌ హ్యాండ్‌ రైటింగ్‌ అవార్డుకు, జాతీయస్థాయి ఒలింపియాడ్‌కు ఎంపికైనట్లు పేర్కొన్నారు. ఈ పోటీల్లో విశాఖపట్నంలోని ప్రభుత్వ పాఠశాల 8వ తరగతి విద్యార్థిని ఆదిరెడ్డి మనుశ్రీ ద్వితీయస్థానంలో, పల్నాడు జిల్లా దుర్గిలోని ఏపీ మోడల్‌ పాఠశాల 10వ తరగతి విద్యార్థిని పులి పూజిత తృతీయస్థానంలో నిలిచినట్లు పేర్కొన్నారు.