logo

రూ.200 కోట్ల మనీ లాండరింగ్‌లో నిందితురాలని బెదిరించి..

మనీలాండరింగ్‌ కేసులో నిందితులుగా ఉన్నారని ఫోన్‌ చేసి నగదు దోచేశారంటూ బాధితురాలు హైదరాబాద్‌ సైబర్‌ క్రైమ్‌ ఠాణాలో బుధవారం ఫిర్యాదు చేశారు.

Published : 13 Jun 2024 02:43 IST

గృహిణికి రూ.6.45 లక్షలు టోకరా 

నారాయణగూడ, న్యూస్‌టుడే: మనీలాండరింగ్‌ కేసులో నిందితులుగా ఉన్నారని ఫోన్‌ చేసి నగదు దోచేశారంటూ బాధితురాలు హైదరాబాద్‌ సైబర్‌ క్రైమ్‌ ఠాణాలో బుధవారం ఫిర్యాదు చేశారు. పోలీసుల వివరాల ప్రకారం.. నగరానికి చెందిన గృహిణికి ట్రాయ్‌ నుంచి కాల్‌ వచ్చింది. ముంబయిలోని కనకియా ఠాణాలో మీ పేరిట ఎఫ్‌ఐఆర్‌ నమోదైందని.. ప్రజలకు నకిలీ ప్రకటనలు, సందేశాలు పంపిస్తూ వేధిస్తున్నారని ఫిర్యాదు నమోదైందన్నారు. మీ ఆధార్‌ కార్డు నంబరును అక్రమ లావాదేవీలకు ఉపయోగించారని మరో అభియోగం మోపారు. జెట్‌ ఎయిర్‌వేస్‌ వ్యవస్థాపకుడు నరేష్‌ గోయల్‌కు సంబంధించిన రూ.200 కోట్ల మనీలాండరింగ్‌ కేసులో బాధితురాలిని సీబీఐ ఇంప్లీడ్‌ చేసిందని నేరస్థులు భయపెట్టారు. బాధితురాలితో స్కైప్‌ వీడియో కాల్‌లో మాట్లాడారు. కొద్ది గంటల్లోనే ముంబయి పోలీసులు కుటుంబం మొత్తాన్ని అరెస్టు చేస్తారని బెదిరించాడు. మీ ఖాతాలో డబ్బు ఎంత ఉందని అడగ్గా.. రూ.6.45 లక్షలు ఉన్నాయని బాధితురాలు చెప్పింది. ఆ మొత్తాన్ని సీబీఐ ఖాతాకు బదిలీ చేయాలని.. నిర్దోషిగా రుజువైన తర్వాత తిరిగి వస్తాయని చెప్పడంతో నగదు బదిలీ చేశారు. ఆ తర్వాత మోసపోయినట్లు ఆమె గ్రహించారు. 

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని