TRS Plenary: తెరాస ప్లీనరీ.. ఇవే 13 తీర్మానాలు

హైదరాబాద్‌: తెరాస ప్రతిష్ఠాత్మకంగా నిర్వహిస్తున్న ప్లీనరీ ప్రారంభమైంది. హైదరాబాద్‌ మాదాపూర్‌లోని హెచ్‌ఐసీసీలో నిర్వహిస్తున్న ఈ తెరాస ప్రతినిధుల సభకు 3వేల మంది ప్రతినిధులు హాజరయ్యారు. సాయంత్రం 5 గంటల వరకు ప్లీనరీ కొనసాగనుంది. తెరాస అధినేత, సీఎం కేసీఆర్‌ మాట్లాడిన తర్వాత మొత్తం 13 తీర్మానాలను ప్రవేశపెట్టనున్నారు. ఈ తీర్మానాలను మంత్రులు, ఆ పార్టీ ముఖ్యనేతలు ప్రతిపాదించనుండగా.. మిగిలిన మరికొందరు నేతలు వాటిని బలపర్చనున్నారు. యాసంగి ధాన్యం కొనుగోలు, జాతీయ రాజకీయాల్లో తెరాస కీలకపాత్ర, దేశవ్యాప్తంగా దళితబంధు అమలుతో పాటు మరికొన్ని ముఖ్య అంశాలపై తీర్మానాలను ప్రవేశపెట్టనున్నారు.