logo
Updated : 01/12/2021 07:58 IST

Suicide: తప్పనిపించి.. తనువు చాలించి


ప్రేమ్‌సింగ్‌

జీడిమెట్ల, న్యూస్‌టుడే: ప్రేమించాడు.. కాదన్నందుకు హత్యాయత్నం చేశాడు. తాను చేసిన తప్పును తెలుసుకున్నాడు.. చివరికి తనువు చాలించాడు. గతనెల 28న గచ్చిబౌలిలో యువతిపై హత్యాయత్నానికి ప్రయత్నించిన ప్రేమోన్మాది ప్రేమ్‌సింగ్‌ (21) ఆత్మహత్య చేసుకున్న ఘటన ఆలస్యంగా వెలుగులోకి వచ్చింది. బీటెక్‌ చదువుతున్న ప్రేమ్‌సింగ్‌ వట్టినాగులపల్లిలో ఉండే ఓ యువతిని ప్రేమించాడు. ఆమె వద్దన్నదనే కోపంతో అక్టోబరు 28న ఆమె ఇంటికెళ్లి కత్తితో పొడిచి చంపేందుకు యత్నించాడు. ఆమె అరుపులతో మేల్కొన్న ఇంటి సభ్యులు అతన్ని పట్టుకొని చితకబాదారు. ఇద్దరినీ ఆసుపత్రిలో చేర్చారు. కాలు విరిగిన అతడు చికిత్స తర్వాత ఇంటికి చేరుకున్నాడు. ఇంట్లో ఓ గదిలో వేరుగా ఉంటున్నాడు. కాలు విరిగి నడవలేని స్థితిలో ఉన్న ప్రేమ్‌ నవంబరు 27 రాత్రి 10 గంటలకు భోజనం తర్వాత గదిలోకి వెళ్లిపోయాడు. కొన్నాళ్లుగా ఒంటరిగా ఉంటున్న కుమారుడ్ని తల్లి పట్టించుకోలేదు. సోమవారం రాత్రి దాకా బయటికి రాకపోవడంతో పిలిచినా పలకకపోవడంతో రాత్రి 11 గంటల ప్రాంతంలో డయల్‌ 100కు ఫోన్‌ చేసి విషయాన్ని తెలపగా పోలీసులు వచ్చి తలుపులు బద్దలు కొట్టారు. ఫ్యాన్‌కు ఉరేసుకుని ప్రేమ్‌ కనిపించడంతో కుటుంబ సభ్యులు లబోదిబోమన్నారు. ప్రేమ వైఫల్యమే మృతికి కారణంగా గుర్తించామని జీడిమెట్ల సీఐ బాలరాజు వెల్లడించారు.

Read latest Medchal News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని