ప్రేమ విఫలమై విద్యార్థి ఆత్మహత్య

కాచిగూడ, న్యూస్‌టుడే: ప్రేమ విఫలం కావడంతో విద్యార్థి ఆత్మహత్య చేసుకున్న సంఘటన కాచిగూడ రైల్వే పోలీస్‌స్టేషన్‌ పరిధిలో జరిగింది. రైల్వే ఇన్‌స్పెక్టర్‌ శ్రీనివాస్‌రావు, హెడ్‌ కానిస్టేబుల్‌ సత్యనారాయణ రాజు కథనం ప్రకారం... ఉప్పుగూడకు చెందిన నరేశ్‌యాదవ్‌(22) ఎంబీఏ మొదటి సంవత్సరం చదువుతున్నాడు. అతను పాల వ్యాపారం చేస్తున్నాడు. మరొకరిని వివాహం చేసుకున్న ప్రియురాలు ఆదివారం నరేశ్‌యాదవ్‌ను కలిసింది. మనస్తాపానికి గురైన అతను సోమవారం తెల్లవారుజామున యాకుత్‌పుర-ఉప్పుగూడ స్టేషన్ల మధ్య రైలు కింద పడి ఆత్మహత్య చేసుకున్నాడు. మృతదేహాన్ని ఉస్మానియాకు తరలించారు.