మెరుగైన సేవలకు కృషి: బీఎస్‌ఎన్‌ఎల్‌

సమస్యలను తెలుసుకుంటున్న అధికారులు

వికారాబాద్‌ మున్సిపాలిటీ: వినియోగదారులకు మెరుగైన సేవలందించేందుకు బీఎస్‌ఎన్‌ఎల్‌ కృషి చేస్తోందని వికారాబాద్‌ ఎస్‌డీఓటీ ప్రమోద్‌కుమార్‌ అన్నారు. మంగళవారం దృశ్య మాధ్యమం ద్వారా వినియోగదారుతో సమీక్ష  నిర్వహించారు. ఈ సందర్భంగా వివిధ ప్రాంతాల నుంచి వినియోగదారులు సమస్యలను వివరించారు. చరవాణి సిగ్నల్స్‌ సక్రమంగా ఉండటం లేదని, మాట్లాడుతున్న సమయంలో మధ్యలోనే కనెక్షన్‌ కట్‌ అవుతుందని తెలిపారు. నెట్‌ సమస్యలు కూడా ఎక్కువగానే ఉన్నాయన్నారు. దీనికి ఆయన స్పందించి పై విధంగా తెలిపారు. ఈ కార్యక్రమంలో డీజీఎం(రూరల్‌) శ్రీనివాస్‌రావు, ఏజీఎం (రూరల్‌) వి.ప్రకాశ్‌, జేటీఓ రాజు, సంఘం అధ్యక్షుడు ప్రభాకర్‌రావు,  బీఎస్‌ఎన్‌ఎల్‌ సిబ్బంది పాల్గొన్నారు.