మద్యానికి డబ్బివ్వలేదని కన్నతల్లి హత్య

నందిగామ, న్యూస్‌టుడే: మద్యానికి బానిసైన కుమారుడు డబ్బుల కోసం తల్లిని చంపిన దారుణ ఘటన నందిగామ మండలం మేకగూడలో మంగళవారం చోటుచేసుకుంది. ఇన్‌స్పెక్టర్‌ రామయ్య తెలిపిన వివరాల ప్రకారం..గ్రామానికి చెందిన చాకలి బాలమణి(51)కి ఇద్దరు కుమారులు రమేష్‌, యాదగిరి. చిన్న కుమారుడు యాదగిరి పండుగ నేపథ్యంలో భార్యను తీసుకుని ఈనెల 16న అత్తవారింటికి వెళ్లాడు. ఇంట్లో రమేష్‌, తల్లి బాలమణి ఇద్దరూ ఉన్నారు. మంగళవారం ఉదయం తల్లి బాలమణి చనిపోయిందని రమేష్‌ చరవాణిలో తమ్ముడికి సమాచారం అందించాడు. వెంటనే ఇంటికి వచ్చి చూడగా తల్లి చనిపోయి ఉంది. మెడపై కమిలిన గాయాలు ఉండటంతో గొంతునులిమి చంపి ఉంటాడని పోలీసులకు ఫిర్యాదు చేశాడు. పోలీసులు కేసు నమోదు చేశారు. తల్లిని తానే చంపానని రమేష్‌ ఒప్పుకున్నట్లు ఇన్‌స్పెక్టర్‌ రామయ్య తెలిపారు.