దూరమైన మన కూరగాయలు

మూతపడిన దుకాణం

ఈనాడు, హైదరాబాద్‌: రైతుబజారుకు వెళ్తే ఒక ధర.. కాలనీలో ఏర్పాటు చేసిన సంతలో మరో ధర.. సూపర్‌ మార్కెట్లో ఇంకోలా.. తోపుడు బండిమీద మరోలా.. ఇలా రకరకాల ధరలతో వినియోగదారులను దోచుకునే వ్యవస్థకు వ్యవసాయ మార్కెటింగ్‌ శాఖ కళ్లెం వేయలేకపోతోంది.

రైతుబజార్లు విస్తరించలేని వేళ.. నగరంలో రైతు బజారు పెట్టాలంటే కనీసం రెండెకరాల స్థలం ఉండాలి. ఈ తరుణంలో వ్యవసాయ మార్కెటింగ్‌ శాఖ గతంలో ఒక ప్రణాళిక తయారు చేసింది. మార్కెటింగ్‌ శాఖ ఆధ్వర్యంలోనే ‘మన కూరగాయలు’ పేరిట దుకాణాలు తెరిచింది. నగరవ్యాప్తంగా 200 దుకాణాలు పెట్టాలని ప్రణాళిక రచించింది. ఆ దిశగా 70 చోట్ల దుకాణాలను ప్రారంభించి వినియోగదారులకు సరైన ధరకు కూరగాయలు అందేలా ఏర్పాట్లు చేసింది. రైతుబజారు ధరల కంటే కిలోకు రూ.2-3 అధికంగా వసూలు చేసి.. నాణ్యమైన కూరగాయలను ప్యాకెట్లలో అందించడాన్ని నగరవాసులు ఆస్వాదించారు.

ప్రయోజనమెంతో.. హోల్‌సేల్‌ మార్కెట్‌కు వచ్చిన కూరగాయలతోపాటు.. రైతుల నుంచి నేరుగా తీసుకొచ్చిన వాటిలోంచి నాణ్యమైన కూరగాయలను ఎంపిక చేసి వాటిని పావుకిలో, అరకిలో.. కిలో చొప్పున ప్యాక్‌ చేసి.. ఏసీ ఉన్న ‘మన కూరగాయల’ దుకాణంలో సూపర్‌ మార్కెట్లను తలపించేలా అందంగా పేర్చి విక్రయిస్తుండేవారు. అధిక ధరలకు అడ్డుకట్టపడేది. డిజిటల్‌ తూకం.. బిల్లులు, చెల్లింపులు సైతం జరిగేవి. ఎక్కువ మొత్తంలో కూరగాయలు అవసరమైతే ముందుగానే చెబితే ఇంటికి చేరవేసే సౌలభ్యం ఉండేది. ఈ నేప వాటిని తెరిపించాలని వినియోగదారులు కోరుతున్నారు.