కరోనా బారిన 71 మంది

వికారాబాద్‌ కలెక్టరేట్‌: జిల్లా వ్యాప్తంగా 8 ఆసుపత్రుల్లో 447 మందికి గురువారం యాంటిజన్‌ పరీక్షలు నిర్వహించగా 71 మందికి కరోనా పాజిటివ్‌ నిర్ధరణ అయ్యింది. ఆయా సామాజిక, ప్రాథమిక ఆరోగ్య కేంద్రాల వైద్యులు తెలిపిన సమాచారం ప్రకారం వివరాలు..586 మందికి టీకాలు: జిల్లాలో గురువారం 15 నుంచి 18 సంవత్సరాల మధ్య వయస్సున్న 586 మందికి కొవిడ్‌ టీకాలను వేశామని జిల్లా వైద్యాధికారి డాక్టర్‌ తుకారాంభట్‌ ఓ ప్రకటనలో తెలిపారు. 22 ప్రాథమిక, నాలుగు సామాజిక ఆరోగ్య కేంద్రాలు, జిల్లా ఆసుపత్రిలో ఈ ప్రక్రియ కొనసాగిందన్నారు. 18 ఏళ్లపైన ఉన్న వారికి మొదటి డోసు 1111 మందికి, రెండో డోసు 3267 మందికి వేశామని, ముందు జాగ్రత్త టీకాలు 204 మందికి ఇచ్చామని తెలిపారు.