కాచిగూడ-తిరుచిరాపల్లి రైలు నడపాలి

రైల్వే జీఎం అరుణ్‌కుమార్‌జైన్‌కు వినతిపత్రం ఇస్తున్న వినోద్‌యాదవ్‌, చంద్రశేఖర్‌

కాచిగూడ, న్యూస్‌టుడే: కాచిగూడ-తిరుచిరాపల్లి రైలు నడపాలని కాచిగూడ చప్పల్‌బజార్‌కు చెందిన భాజపా ఓబీసీ మోర్చా హైదరాబాద్‌ సెంట్రల్‌ జిల్లా అధ్యక్షుడు సి.వినోద్‌యాదవ్‌ కోరారు. ఈ రైలు వల్ల కాంచీపురం, చిదంబరం, కుంభకోణం, తంజావూరు, మేల్మరువత్తూరు దేవాలయాలను అనుసంధానం చేసే వీలు కలుగుతుందన్నారు. సోమవారం భాజపా ఓబీసీ మోర్చా రాష్ట్ర కార్యవర్గ సభ్యుడు పిట్టల చంద్రశేఖర్‌, ఐఆర్‌ఎఫ్‌సీఏ సీనియర్‌ సభ్యుడు జూటూరు తేజేందర్‌రెడ్డితో కలిసి ఆయన దక్షిణ మధ్య రైల్వే జీఎం అరుణ్‌కుమార్‌జైన్‌కు వినతిపత్రం అందజేశారు.