Special Express trains: ప్రయాణికుల రద్దీ దృష్ట్యా రైళ్లు

రైల్వేస్టేషన్‌(విజయవాడ), న్యూస్‌టుడే: సంక్రాంతి పండగ రద్దీ దృష్ట్యా డెము, మెము, ప్రత్యేక ఎక్స్‌ప్రెస్‌ రైళ్లను నడపనున్నట్లు రైల్వే అధికారులు తెలిపారు.

విశాఖపట్నం-సికింద్రాబాద్‌ రైళ్ల పొడిగింపు.. విశాఖపట్నం-సికింద్రాబాద్‌ మధ్య నడుస్తున్న వారాంతపు ప్రత్యేక రైళ్లను పొడిగిస్తున్నట్లు రైల్వే అధికారులు తెలిపారు.

* రైలు నంబరు 08579 విశాఖపట్నం-సికింద్రాబాద్‌ ప్రత్యేక రైలు ఫిబ్రవరి 2, 23 తేదీల్లో, తిరుగు ప్రయాణంలో నంబరు 08580 సికింద్రాబాద్‌-విశాఖపట్నం మధ్య ఫిబ్రవరి 3, 24 తేదీల్లో నడపనున్నారు.

* రైలు నంబరు 08585 విశాఖపట్నం-సికింద్రాబాద్‌ ప్రత్యేక రైలు ఫిబ్రవరి 1, 22 తేదీల్లో, తిరుగు ప్రయాణంలో నంబరు 08586 సికింద్రాబాద్‌-విశాఖపట్నం మధ్య 2, 23 తేదీల్లో నడపనున్నారు.

* సాంకేతిక కారణాల దృష్ట్యా ఈ నెల 14వ తేదీన నడవనున్న అనకాపల్లి-సికింద్రాబాద్‌ ప్రత్యేక రైలును రద్దు చేస్తున్నట్లు రైల్వే అధికారులు ప్రకటించారు.

* రైలు నంబరు 17270 నర్సాపూర్‌-విజయవాడ డెము రైలు ఈ నెల 14వ తేదీ నుంచి ప్రతి రోజూ నర్సాపూర్‌లో ఉదయం 9.40కి బయలుదేరి మధ్యాహ్నం 1.30 గంటలకు విజయవాడ చేరుతుంది. ఇదే రైలు నంబరు 17269 ఈ నెల 13న విజయవాడలో సాయంత్రం 4.40 గంటలకు బయలుదేరి రాత్రి 8.55కి నర్సాపూర్‌ చేరుతుంది. పాలకొల్లు, వీరవాసరం, భీమవరం జంక్షన్‌, భీమవరం టౌన్‌, ఉండి, ఆకివీడు, కైకలూరు, మండవల్లి, గుడివాడ, దోసపాడు, తరిగొప్పల, నిడమానూరు, రామవరప్పాడు, మధురానగర్‌ స్టేషన్లలో ఆగుతుంది.

* రైలు నంబరు 07245 మచిలీపట్నం-గుడివాడ మెము రైలు ఈ నెల 13వ తేదీ నుంచి మచిలీపట్నంలో సాయంత్రం 6.45 గంటలకు బయలుదేరి రాత్రి 7.45కి గుడివాడ చేరుతుంది. నంబరు 07871 గుడివాడ-మచిలీపట్నం మెము రైలు 13వ తేదీ రాత్రి 8.35 గంటలకు గుడివాడలో బయలుదేరి 9.55కి మచిలీపట్నం చేరుకుంటుంది. ఈ రైలు పెడన, గుడ్లవల్లేరు స్టేషన్లలో ఆగుతుంది.

* నంబరు 07869 మచిలీపట్నం-గుడివాడ మెము రైలు 14వ తేదీ నుంచి మచిలీపట్నంలో మధ్యాహ్నం 2.25కి బయలుదేరి 3.30కి గుడివాడ చేరుతుంది. నంబరు 07880 గుడివాడ-మచిలీపట్నం మెమూ రైలు 14వ తేదీ నుంచి గుడివాడలో సాయంత్రం 3.45కి బయలుదేరి 5గంటలకు మచిలీపట్నం చేరుకుంటుంది. చిలకలపూడి, పెడన, వడ్లమన్నాడు, కౌతరం, గుడ్లవల్లేరు స్టేషన్లలో ఆగుతుంది.

* నంబరు 07898 విజయవాడ-మచిలీపట్నం మెము రైలు 13వ తేదీ నుంచి విజయవాడలో రాత్రి 9.30కి బయలుదేరి అర్ధరాత్రి 12.25 గంటలకు మచిలీపట్నం చేరుకుంటుంది. తిరుగు ప్రయాణంలో ఇదే రైలు తెల్లవారుజాము 3.20 గంటలకు మచిలీపట్నంలో బయలుదేరి 5.55 గంటలకు విజయవాడ చేరుతుంది. ఈ బండి మధురానగర్‌, రామవరప్పాడు, నిడమానూరు, ఉప్పలూరు, తెన్నేరు, తరిగొప్పల, ఇందుపల్లి, దోసపాడు, గుడివాడ, గుడ్లవల్లేరు, కౌతరం, వడ్లమన్నాడు, పెడన, చిలకలపూడి స్టేషన్లలో ఆగుతుంది.