Special Trains: 16, 17, 18 తేదీల్లో వికారాబాద్‌కు ప్రత్యేక రైళ్లు

నరసాపురం, న్యూస్‌టుడే: సంక్రాంతి నేపథ్యంలో ప్రయాణికుల రద్దీ దృష్ట్యా నరసాపురం నుంచి వికారాబాద్‌కు ఈ నెల 16, 18 తేదీల్లో ప్రత్యేక రైలు నడపనున్నట్లు స్టేషన్‌ మేనేజరు జి.మధుబాబు తెలిపారు. నరసాపురంలో రాత్రి 8.50కు బయలుదేరి మరుసటి రోజు ఉదయం 7.35కు సికింద్రాబాద్‌, 9.25 గంటలకు వికారాబాద్‌ చేరుతుందన్నారు. 20 బోగీలతో నడిచే ఈ రైలులో 10 స్లీపర్‌, మూడు థర్డ్‌ ఏసీ, సెకండ్‌ ఏసీ ఒకటి, 4 జనరల్‌ బోగీలు ఉంటాయన్నారు. l నరసాపురం నుంచి సికింద్రాబాద్‌కు ఈ నెల 17న జన సాధారణ రైలు నడుపుతున్నట్లు మధుబాబు తెలిపారు. నరసాపురంలో ఉదయం 10కి బయలుదేరి రాత్రి 9కి సికింద్రాబాద్‌, 11.30 గంటలకు వికారాబాద్‌ చేరుతుందన్నారు.