Andhra News: అప్పుల కోసం ప్రభుత్వ స్థలాలు తాకట్టా?.. విశాఖలో కార్పొరేటర్ల ఆందోళన

విశాఖ: విశాఖ స్మార్ట్‌ సిటీ కార్పొరేషన్‌ అప్పుల కోసం ప్రభుత్వ స్థలాలు తనఖా పెట్టొందంటూ జీవీఎంసీ గాంధీ విగ్రహం వద్ద తెలుగుదేశం, జనసేన, సీపీఎం కార్పొరేటర్లు ఆందోళనకు దిగారు. చెత్త పన్నుకు వ్యతిరేకంగా నినాదాలు చేశారు. సీపీఎం కార్పొరేటర్‌ గంగారాం వినూత్నంగా సీఎం జగన్ బొమ్మతో నిరసన తెలిపారు. పోలీసులు కార్పొరేటర్లను అడ్డగించడం స్వల్ప ఉద్రిక్తతకు దారి తీసింది. ఈ నిరసనలో కార్పొరేటర్లతో పాటు తెదేపా నేతలు వెలగపూడి రామకృష్ణబాబు, పల్లా శ్రీనివాసరావు పాల్గొన్నారు. విశాఖలోని భూములు, కార్యాలయాలన్నింటినీ ప్రైవేట్‌ వ్యక్తులకు అప్పగించేస్తున్నారని వెలగపూడి మండిపడ్డారు. ప్రభుత్వం ఆదాయ వనరులను పెంచకుండా భూములను తాకట్టు పెట్టుకుంటూ పోతూ రాష్ట్రానికి అన్యాయం చేస్తోందని పల్లా శ్రీనివాసరావు ధ్వజమెత్తారు.