IT Raids: మాజీ ఎంపీ వివేక్‌ ఇల్లు, కార్యాలయాల్లో ఐటీ సోదాలు

హైదరాబాద్‌: చెన్నూరు కాంగ్రెస్‌ అభ్యర్థి, మాజీ ఎంపీ వివేక్‌ వెంకటస్వామి ఇల్లు, కార్యాలయాల్లో ఐటీ అధికారులు సోదాలు నిర్వహించారు. తెల్లవారుజాము నుంచి హైదరాబాద్‌లోని సోమాజిగూడ, మంచిర్యాలలోని ఆయన నివాసాలతో పాటు బేగంపేటలోని వివేక్‌ కార్యాలయంలోనూ సోదాలు జరిగాయి. సోమాజిగూడలోని నివాసంలో 4 గంటల పాటు తనిఖీలు కొనసాగాయి. వివేక్‌ సంస్థల్లోకి రూ.8కోట్లు చేరాయనే అంశంపై ఐటీ అధికారులు ఆరా తీసినట్లు తెలుస్తోంది.

మరోవైపు కుమురం భీం ఆసిఫాబాద్‌ జిల్లాలోని వివిధ ప్రాంతాల్లో ఐటీ అధికారులు సోదాలు నిర్వహించారు. ఆసిఫాబాద్‌, కాగజ్‌నగర్‌లోని వ్యాపారవేత్తలు, కాంట్రాక్టర్ల ఇళ్లలో తనిఖీలు నిర్వహించారు.