Updated : 13/02/2020 14:52 IST

భగ్నప్రేమికులకు ఇది ప్రత్యేకం..!

బొద్దింకలు, ఎలుకలను సిద్ధం చేసిన జూ..

రేపే వాలంటైన్స్‌ డే.. సింగిల్‌గా ఉన్నవాళ్లు తమ ప్రేమను తెలియజెప్పడానికి ఇదే మంచి రోజు. ఇప్పటికే ప్రేమలో ఉన్న జంటకు ఇదో పండుగ రోజు. కానీ, ప్రేమలో విఫలమైన వారికి..? ఒంటరిగా మది రగిలే రోజు. ప్రేమ లోకంలో విహరించి.. ఒక్కసారిగా పాతాళంలో పడ్డట్టుగా ఉంటుంది. తన ప్రేమకు బ్రేకప్‌ చెప్పి వెళ్లిపోయిన లవర్‌ను కసితీరా తిట్టుకోవాలని ఉంటుంది. అలాంటి వారు మాజీ లవర్‌పై కోపం పోగొట్టుకోవడానికి టెక్సాస్‌లోని శాన్‌ ఆంటోనియో జూ వినూత్న కార్యక్రమం నిర్వహిస్తోంది. 

వాలంటైన్స్‌ డే రోజున భగ్న ప్రేమికులు ఎవరైనా ఇక్కడకు వచ్చి బొద్దింకలకు, ఎలుకలకు తమ మాజీ ప్రియుడు\ప్రేయసి పేరును పెట్టుకోవచ్చు. అలా పేరు పెట్టిన వాటిని స్వయంగా తీసుకెళ్లి జంతువులకు తినిపించొచ్చు. అలా బతికున్న బొద్దింకను జంతువులకు, ఎలుకను పాములకు ఆహారంగా పెట్టొచ్చు. సజీవంగా, దారుణంగా అవి వాటికి ఆహారంగా మారుతుంటే.. భగ్నప్రేమికులు తమ కోపాన్ని తీర్చుకోవచ్చన్నమాట. అయితే బొద్దింకకు ఐదు డాలర్లు, ఎలుకకు 25 డాలర్లు చొప్పున జూ యాజమాన్యానికి రుసుము చెల్లించాల్సి ఉంటుందట. ఇదంతా కేవలం భగ్నప్రేమికుల కోపాన్ని పోగొట్టి.. వారిలో సానుకూల ఆలోచనలు తీసుకురావడానికే అని జూ యాజమాన్యం చెబుతోంది.

Read latest Explained News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

జాతీయం

మరిన్ని

జనరల్