Japan: మాస్కుల దెబ్బకు.. నవ్వడమే మరచిపోయారట..!
కొవిడ్ (Covid 19) ఆంక్షలతో సుదీర్ఘ కాలంపాటు మాస్కులు ధరించిన జపాన్ వాసులు.. నవ్వడమే (Smile) మరచిపోయారట. ఇటీవల ఆంక్షలు ఎత్తివేయడంతో నవ్వడంపై శిక్షణా తరగతులకు హాజరు అవుతున్నారు.
ఇంటర్నెట్ డెస్క్: కరోనా మహమ్మారి (Covid Pandemic) సృష్టించిన విలయం నుంచి ప్రపంచదేశాలు ఇప్పుడిప్పుడే కోలుకుంటున్నాయి. ఇదే సమయంలో కొవిడ్ వ్యాప్తిని కట్టడి చేసేందుకు ఆయా దేశాలు అమలు చేసిన ఆంక్షలు.. అక్కడి ప్రజలపై కొంత ప్రతికూల ప్రభావాన్ని చూపించినట్లు నివేదికలు వెల్లడిస్తున్నాయి. ఈ క్రమంలో సుదీర్ఘకాలం పాటు మాస్కులు (Mask) ధరించడంతో కొంతమంది జపాన్ వాసులు (Japan) నవ్వడమే మరచిపోయారట. దీంతో ఇటీవల మాస్కులపై ఆంక్షలు ఎత్తివేయడంతో మళ్లీ నవ్వడాన్ని (Smile) నేర్చుకునేందుకు ప్రత్యేక శిక్షణా తరగతులకు హాజరవుతుండటం విశేషం.
కొవిడ్-19 కట్టడిలో భాగంగా జపాన్ కఠిన ఆంక్షలు (Covid Restrictions) విధించింది. మాస్కులు తప్పనిసరి చేసిన ప్రభుత్వం.. మూడేళ్ల తర్వాత ఇటీవలే ఆ ఆంక్షలు ఎత్తివేసింది. మాస్కులు ధరించడం ఇక నుంచి ప్రజల వ్యక్తిగత ఇష్టమని ప్రకటించింది. ఇక్కడివరకు ఎలాగున్నా.. ఆంక్షలు సడలించిన తర్వాత చాలామంది జపాన్వాసులు నవ్వడంపై సెమినార్లు, వర్క్షాపులకు పరుగెడుతున్నారట. చేతిలో అద్దం పట్టుకొని తమ ముఖాలను చూసుకొని నవ్వుతున్నారట. టోక్యోలో ఇటువంటి వర్క్షాపులకు ఇటీవల తాకిడి పెరిగిందని ఎగావోయుకు అనే హాస్య శిక్షణా సంస్థ వెల్లడించింది. ఆంక్షల కాలంలో సన్నిహితులతో కలవడం కుదరకపోవడంతోపాటు తమ నవ్వును ఇతరులతో పంచుకునే అవకాశం కోల్పోయామని సెమినార్కు వచ్చినవారు వాపోతున్నారని తెలిపింది. మాస్కులు తీసేయాల్సి వచ్చినప్పుడు కాస్త భయం, బిడియంగా అనిపిస్తోందని ఈ సెమినార్లో పాల్గొన్నవారు చెప్పడం గమనార్హం.
సుదీర్ఘకాలం పాటు మాస్కులు ధరించడం వల్ల వారి స్నేహితుల ముఖం ఎలా ఉంటుందోనన్న విషయం కూడా కొందరు మరచిపోయారని టోక్యోలోని స్కూల్ ఆఫ్ స్మైల్ నిర్వాహకురాలు కైకో కవానో పేర్కొన్నారు. కొవిడ్ మొదలైన కొంతకాలం తర్వాత.. నవ్వడం తగ్గిపోయిందన్న భావన ప్రజల్లో మొదలైందన్నారు. ఈ అసంతృప్తి చాలా మందిలో ఉందని చెప్పారు. అందుకే ప్రజలు మరోసారి తమ నవ్వును ఆస్వాదించాలని కోరుకుంటున్నారని.. దీంతో వరుస సెమినార్లతో ఇటీవల తాము ఎంతో బిజీగా మారామని స్మైల్ కోచింగ్ నిర్వాహకులు వెల్లడించారు.
అయితే, కొవిడ్కు ముందు కూడా నవ్వడం నవ్వడంపై శిక్షణా కార్యక్రమాలు చేపట్టేవారమని టోక్యోలోని ఎగావోయుకు సంస్ధ వెల్లడించింది. కానీ, ఆంక్షలు ఎత్తివేసిన తర్వాత ఫిబ్రవరి-ఏప్రిల్ మధ్య కాలంలో మాత్రం ఈ సెమినార్కు వచ్చేవారి సంఖ్య 4.5రెట్లు పెరిగిందని తెలిపింది. హాస్యంపై పలు కార్యక్రమాలు నిర్వహించే మరో సంస్థ కూడా ఇప్పటివరకు 4వేల మందికి శిక్షణ ఇచ్చినట్లు వెల్లడించింది. ఇదిలాఉంటే, కరోనా అంతర్జాతీయ అత్యవసర పరిస్థితి కాదని ఇటీవల ప్రపంచ ఆరోగ్య సంస్థ కూడా ప్రకటించిన విషయం తెలిసిందే.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
అమెరికా వర్సిటీల్లో గాజా అలజడి
గాజా పోరులో ఇజ్రాయెల్కు మద్దతుగా బైడెన్ ప్రభుత్వం అనుసరిస్తున్న విధానాలకు వ్యతిరేకంగా అమెరికా విశ్వవిద్యాలయాల్లో విద్యార్థులు గళమెత్తారు. -
జీపీఎస్ జామ్.. రష్యా ‘రహస్య ఆయుధం’ పనేనా..?
బాల్టిక్ సముద్రం మీదుగా వెళ్లే విమానాలు జీపీఎస్ జామ్ సమస్యను ఎదుర్కొంటున్నాయి. దీంతో గత కొంతకాలంగా వందల సంఖ్యలో విమానాలకు తీవ్ర అంతరాయం కలుగుతోంది. -
గుండె స్పందనలో తేడాలను ముందే పసిగట్టే ఏఐ
గుండె కొట్టుకునే రేటులో చోటుచేసుకునే మార్పుల (కార్డియాక్ అరిత్మియా)ను అంచనా వేయడానికి శాస్త్రవేత్తలు కృత్రిమ మేధ (ఏఐ) ఆధారిత వ్యవస్థను అభివృద్ధి చేశారు. -
దీర్ఘకాల నొప్పికి సామాజిక-ఆర్థిక మూలాలు!
సామాజిక-ఆర్థికపరంగా దిగువ స్థాయిలో ఉన్నవారికి గాయాలు అనంతరం దీర్ఘకాల నొప్పి బారినపడే ముప్పు రెట్టింపు స్థాయిలో ఉంటుందని తాజా పరిశోధన పేర్కొంది. -
అంతరిక్షంలోకి సాధారణ పౌరులు
అంతరిక్ష ప్రయోగాలు చేసే సామర్థ్యం లేని దేశాల పౌరులను రోదసిలోకి పంపేందుకు అమెరికాకు చెందిన స్పేస్ ఎక్స్ప్లొరేషన్ అండ్ రీసెర్చ్ ఏజెన్సీ (సెరా) ఒక ప్రాజెక్టును చేపట్టింది. -
గాల్లో ఢీకొన్న రెండు సైనిక హెలికాప్టర్లు
మలేసియాలో దుర్ఘటన చోటుచేసుకుంది. నౌకదళ వార్షికోత్సవాల కోసం శిక్షణ కార్యక్రమంలో పాల్గొన్న రెండు సైనిక హెలికాప్టర్లు ప్రమాదవశాత్తు ఢీకొని కూలిపోయాయి. -
ఉక్రెయిన్కు బ్రిటన్ రూ.542 కోట్ల ప్యాకేజీ
ఆయుధాల కొరతతో ఇబ్బంది పడుతున్నాం.. సైనిక సాయం కావాలంటూ గత కొంతకాలంగా మొరపెట్టుకుంటున్న ఉక్రెయిన్కు మరో ఊరట కలిగించే వార్త. -
దక్షిణ లెబనాన్పై ఇజ్రాయెల్ దాడి
హెజ్బొల్లా కీలక నేతలే లక్ష్యంగా దక్షిణ లెబనాన్పై ఇజ్రాయెల్ దాడులు చేస్తోంది. మంగళవారం ఐడీఎఫ్ జరిపిన దాడుల్లో ఇద్దరు హెజ్బొల్లా ఉగ్రవాదులు మృతి చెందారు. -
ఈ నగరంలో అడుగుపెట్టాలంటే.. టికెట్ కొనాల్సిందే!
పర్యటకుల సంఖ్యను కట్టడి చేసేందుకు ఇటలీలోని వెనిస్ సిద్ధమైంది. సందర్శకుల నుంచి ప్రవేశరుసుం వసూలు చేయనున్నట్లు ప్రకటించింది.