Female Bodybuilder : కండలు తిరిగిన అందాల రాక్షసి!
రష్యాకు (Russia)చెందిన ఓ అందాల బాడీ బిల్డర్ (Bodybuilder)తన ఫొటోలు, వీడియోలతో సామాజిక మాధ్యమాల్లో (Social media) హల్చల్ చేస్తోంది. బార్బీ బొమ్మలాంటి ముఖ సౌందర్యం.. చూడగానే దిమ్మతిరిగే దేహదారుఢ్యం ఉండటంతో నెటిజన్లు ఆశ్చర్యపోతున్నారు.
(Image : vladigalagan Insta)
వ్లాడిస్లావా గలగన్.. రష్యాకు (Russia)చెందిన ఓ లేడీ బాడీ బిల్డర్ (Bodybuilder). ఆమె చూడటానికి అచ్చం అమెరికన్ మోడల్ కెండల్ జెన్నర్లా (Kendal Jenner) ఉంటుంది. అందుకే అంతా ‘కెండల్ జెన్నర్ ఆన్ స్టెరాయిడ్స్’ అని పేరు పెట్టేశారు. ఈ బాడీ బిల్డర్కు కేవలం కండలే కాదండోయ్.. అందం కూడా చాలా ఎక్కువ. ఆ అందానికి ఫిదా అయ్యే ఫేస్బుక్, ఇన్స్టా, ఓన్లీ ఫ్యాన్స్ వంటి సామాజిక మాధ్యమాల్లో (Social media)లక్షలాది మంది ఫాలో అవుతున్నారు. కొందరు ఆమెను ‘రియల్ లైఫ్ షీ హల్క్’ అంటూ పొగిడేస్తున్నారు.
కృత్రిమ మేధ కాదు..!
ఈ మధ్య కాలంలో టెక్నాలజీ కొత్తపుంతలు తొక్కుతోంది. కృత్రిమ మేధ సాయంతో అందమైన న్యూస్ యాంకర్లను సృష్టిస్తున్నారు. రోబోలకు సుందరమైన రూపాన్ని జోడిస్తున్నారు. యాప్ల సహాయంతో పురుషులు.. స్త్రీలా మారితే ఎలా ఉంటుందో చూసుకోవచ్చు. స్త్రీలు.. పురుషుడిలా మారితే ఎలా కన్పిస్తారో ఆ యాప్లు క్షణాల్లో మాయాజాలం చేసి చూపిస్తున్నాయి. ఇవన్నీ జరుగుతున్న క్రమంలో వ్లాడిస్లావా గలగన్ అందమైన ముఖారవిందాన్ని, కండలు తిరిగిన శరీరాన్ని చూస్తే ఇది కూడా కృత్రిమ మేధ చేసిన మాయేనా అనిపిస్తుంది. కానీ, తను నిజమైన మనిషే. ఏళ్ల కొద్దీ చెమటోడ్చినందుకు దక్కిన ప్రతిఫలమే ఆ దృఢమైన, బలమైన దేహం.
16 ఏళ్ల వయసులో..
వ్లాడిస్లావా గలగన్ రష్యాలోని టెమ్రియుక్లో జన్మించింది. 16 ఏళ్ల ప్రాయంలో జిమ్కు వెళ్లడం ప్రారంభించిన ఆమె.. తరువాత జిమ్నే తన కెరీర్గా మలుచుకుంది. ఇప్పుడు వ్లాడిస్లావా వయసు 27 సంవత్సరాలు. నిత్యం వ్యాయామాలపై దృష్టి సారిస్తూ తన పలకల దేహాన్ని తీర్చిదిద్దుకుంది. వారంలో కనీసం ఆరురోజులు తప్పకుండా జిమ్కు వెళ్తుంది. దాదాపు 90 నిమిషాలు వర్కౌట్ల కోసం కేటాయిస్తుంది. నాలుగు సార్లు ఆహారం తీసుకుంటుంది. అందులో ప్రోటీన్లు అధికంగా ఉండే బీఫ్, గుడ్లు, టర్కీ, చికెన్, ఫిష్ ఉండేలా చూసుకుంటుంది.
పురుషుల్ని ఓడిస్తుందట!
చూడటానికి అచ్చంగా అమెరికన్ మోడల్ కెండల్ జెన్నర్లా ఉండటంతో వ్లాడిస్లావా గలగన్కు సామాజిక మాధ్యమాల్లో విపరీతమైన ఫాలోయింగ్ వచ్చింది. తాను ఆర్మ్ రెజ్లింగ్ చేస్తున్న వీడియోలను అందులో పోస్టు చేస్తుంటుంది. గలగన్ కండబలం ముందు పురుషులు కూడా ఓడిపోవాల్సిందే. ఇవే కాకుండా తాను తరచూ చేసే వర్కౌట్ల గురించి వీడియోలు పోస్టు చేస్తుంటుంది. ప్రస్తుతం ఈ లేడీ బాడీ బిల్డర్ చెక్ రిపబ్లిక్లోని ప్రాగ్లో నివసిస్తోంది. ఆమె ఫొటోలు, వీడియోలను ఆన్లైన్లో చూసిన వారంతా నకిలీ మనిషి అని, ఫొటోషాప్ చేశారని విమర్శిస్తుంటారు. అయితే ఈ రూపం కఠోర శ్రమ, జన్యుపరంగా సంక్రమించిన శక్తి వల్లే సాధ్యమైందని గలగన్ ఓ మీడియా సంస్థతో వెల్లడించింది.
-ఇంటర్నెట్ డెస్క్ ప్రత్యేకం
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
Rainwater Harvesting: తక్కువ ఖర్చు.. ఇంట్లోనే వర్షపు నీటిని ఎలా ఆదా చేయొచ్చంటే?
అడుగంటిపోతున్న భూగర్భ జలాలకు పునర్జీవం ఇచ్చేందుకు తక్కువ ఖర్చుతో వాన నీటిని ఒడిసి పట్టే ప్రక్రియను ముంబయికి చెందిన వ్యక్తి రూపొందించాడు. -
Happiest Country: ఏడోసారి ‘హ్యాపీ’గా.. ఫిన్లాండ్ అద్భుత విజయానికి కారణాలివే!
ఇటీవల యూఎన్ ఆధారిత సంస్థ ప్రకటించిన ఆనందకర దేశాల జాబితాలో వరుసగా ఏడోసారి ఫిన్లాండ్ అగ్ర స్థానంలో నిలిచింది. ఈ అద్భుత విజయం వెనక కారణాలివే.. -
Underwater Metro: మరో అద్భుతం! నది కింద మెట్రో సర్వీసులు.. విశేషాలివే..
రైల్వే రవాణా చరిత్రలో మరో అద్భుత ఘట్టం ఆవిష్కృతం కానుంది. కోల్కతాలో నది కింద మెట్రో రైలు సర్వీసుల్ని ప్రధాని నరేంద్ర మోదీ బుధవారం ప్రారంభించబోతున్నారు. -
Wolfs: అక్కడ తోడేళ్లు అరవడం లేదట.. ఎందుకంటే?
తోడేళ్లు రాత్రి సమయాల్లో ఊళలు వేస్తుంటాయి. అయితే.. ఇటీవల మహారాష్ట్రలో తోడేళ్ల సముదాయాలు రాత్రిళ్లు ఇలా చేయడం లేదని ఒక సర్వేలో వెల్లడైంది. అసలు కారణం ఇదే.. -
పితృదేవతలకు అమావాస్యకూ ఉన్న సంబంధం ఏంటో తెలుసా?
ప్రతి మాసంలోనూ వచ్చే అమావాస్య, మహాలయ అమావాస్య పితృదేవతలకు ఎంతో ఇష్టమనీ, ఆ రోజు శ్రాద్ధ కర్మాదుల్ని చేస్తే మంచి ఫలితం ఉంటుందనీ పెద్దలంతా అంటుంటారు. అసలు పితృదేవతలకూ, అమావాస్యకూ ఉన్న సంబంధం ఏంటంటే.. -
సరస్వతీ దేవి రూపం ఎందుకంత విశిష్టమైనది?
Vasantha panchami: ఒకసారి సరస్వతి మూర్తిని గమనించండి - ఆమె ఒక చేతిలో వీణ (సంగీత వాయిద్యం), మరొక చేతిలో పుస్తకం ఉంటాయి. పుస్తకం, మన ఎడమ మెదడు చేసే కార్యకలాపాలను సూచిస్తుంది. ప్రాచీన వాయిద్యాల్లో ఒకటైన వీణ, సంగీతాన్ని, కళలను, సృజనాత్మకను.. మన కుడి మెదడు చేసే పనులను సూచిస్తుంది. -
Hindu Temple: అబుదాబిలో అతి పెద్ద ‘హిందూ ఆలయం’ రేపే ప్రారంభం.. ఈ విశేషాలు తెలుసా?
అరబ్ ఎమిరేట్స్ (యూఏఈ)లో అతిపెద్ద హిందూ ఆలయం ప్రారంభోత్సవానికి సిద్ధమైంది. ఫిబ్రవరి 14న ఈ ఆలయాన్ని ప్రారంభించేందుకు ప్రధాని నరేంద్ర మోదీ అక్కడికి చేరుకున్నారు. -
PV Narasimha Rao: అదీ పీవీ అంటే.. ఆర్థికం తెలియకున్నా.. వెనక్కి తగ్గలే!
ప్రధానిగా పీవీ నరసింహారావు చేసిన కృషి నిరుపమానమైంది.. దేశం దాదాపు దివాళా తీసే పరిస్థితులు ఉన్న కాలంలో ఆయన తీసుకున్న సాహసోపేతమైన నిర్ణయాలే ఈరోజు దేశాన్ని ఆర్థికంగా నిలదొక్కుకొనేలా చేశాయి. అలాంటి గొప్ప రాజనీతిజ్ఞుడైన పీవీకి కేంద్ర భారతరత్న పురస్కారం ప్రకటించిన సందర్భంగా ప్రత్యేక కథనం.. -
PV Narasimha Rao: పీఠాధిపతి కాబోయి.. ప్రధాని పీఠం అధిరోహించి..!
మాజీ ప్రధాని పీవీ నరసింహారావుకు కేంద్ర ప్రభుత్వం భారతరత్న పురస్కారం ప్రకటించిన నేపథ్యంలో ఆయన జీవితంలో కొన్ని అరుదైన ఘటనల గురించి తెలుసుకుందాం. -
PV Narasimha Rao: తెలుగువారి కోహినూరు.. పీవీ నరసింహారావు
బహుముఖ ప్రజ్ఞశాలి, మాజీ ప్రధాని, మన తెలుగు బిడ్డ పీవీ నరసింహారావుకు కేంద్రం భారతరత్న పురస్కారం ప్రకటించిన విషయం తెలిసిందే. బహు భాషాకోవిదుడైన ఆయన ముఖ్యమంత్రి, కేంద్రమంత్రి, ప్రధాని హోదాల్లో పనిచేసి దేశాన్ని అభివృద్ధి పథంలో నడిపేందుకు అవిశ్రాంతంగా కృషిచేశారు. తెలుగుజాతి గర్వించే పీవీ.. దేశ అత్యున్నత పౌర పురస్కారానికి ఎంపికైన సందర్భంగా ఈ ప్రత్యేక కథనం.. -
PV Narasimha Rao: భావిగతి మార్చిన సంస్కర్తకి భారతరత్న.. అప్పుల భారతాన్ని అభివృద్ధి వైపు నడిపిన పీవీ
PV Narasimha Rao: భారత ఆర్థిక మూలాల బలోపేతానికి మాజీ ప్రధాని పీవీ నరసింహారావు తీసుకున్న నిర్ణయాలు, కృషి అనిర్వచనీయమైనది. కేంద్ర ప్రభుత్వం ఆయనకు భారతరత్న ప్రకటించిన వేళ ఆ ఆసక్తికర విషయాలు.. -
Cervical cancer: ఏంటీ సర్వైకల్ క్యాన్సర్? ఎలా గుర్తించాలి?
సర్వైకల్ క్యాన్సర్.. ఏంటీ వ్యాధి..? ఎలా గుర్తించాలి? -
Explained: ట్యాబ్లెట్ల ప్యాకింగ్కు అల్యూమినియమే ఎందుకు?
ట్యాబ్లెట్ల ప్యాకింగ్కు అల్యూమినియంనే ఎందుకు వాడతారో తెలుసా? కారణమేంటి? -
Nitish Kumar: మళ్లీ జంప్..! ఎందుకంటే..?
బిహార్ సీఎం, జేడీయూ అధినేత నీతీశ్కుమార్ తిరిగి ఎన్డీయే గూటికి చేరే అవకాశాలున్నాయి. విపక్ష ‘ఇండియా’ కూటమిలో కీలక నేతగా ఉన్న ఆయన భాజపాతో చేతులు కలపడంపై పలు విశ్లేషణలు వెలువడుతున్నాయి. -
Karpoori Thakur: ‘కర్పూరీ’ లెక్కలు.. పాస్ చేస్తాయా?
సోషలిస్టు నేత, బిహార్ మాజీ సీఎం కర్పూరీ ఠాకూర్.. 1970, 80ల్లో ఎంబీసీ నేతగా వేసిన ముద్ర బిహార్ రాజకీయాలను మార్చివేసింది. -
శీతాకాలంలో మాయం.. వసంతంలో ప్రత్యక్షం.. ఎలా?
కీటకాలు, పురుగులు, సూక్ష్మజీవులు, పక్షులు.. నిత్యం ప్రకృతిలో సవాళ్లను ఎదుర్కొంటాయి. తమకంటే పెద్దవైన క్రూర జంతువుల నుంచి ప్రాణాలు కాపాడుకునేందుకు వివిధ రకాల వ్యూహాలను అనుసరిస్తుంటాయి. -
Royal family: వందల కార్లు.. రూ.4వేల కోట్ల ప్యాలెస్: ఈ రాజ కుటుంబం హవానే వేరయా..!
విలాసవంతమైన రాజ భవనాలు, ప్రముఖ సంస్థల్లో పెట్టుబడులు, లండన్, పారిస్లో ఆస్తులు.. యూఏఈ రాజ కుటుంబం(royal family of Dubai) సంపద ఎంతో తెలుసా..? -
Lakshadweep: నిమిషానికి 11 ఓడలు.. భారత్ అధీనంలోనే కీలక సముద్ర మార్గం!
లక్షద్వీప్కు సంబంధించి మరో కీలక అంశం వెలుగులోకి వచ్చింది. అదే నైన్ డిగ్రీ ఛానెల్. ఇక్కడ ఎలాంటి అలజడి జరిగినా ఆసియాలోని పలు దేశాల ఆర్థిక వ్యవస్థలు కుప్పకూలిపోతాయి. -
World Roundup 2023: విపత్తులు మిగిల్చిన విషాదం.. భీకర యుద్ధాలు!
గడిచిన ఏడాది కాలాన్ని తిరిగి చూస్తే.. ప్రకృతి విపత్తులు, భీకర యుద్ధాలు పలు దేశాలను వణికించాయి. -
Vessel Hijack: హైజాక్ చేయడం...డబ్బు గుంజుకోవడం.. ఈ తరహా ఘటనలెన్నో!
మాల్టా దేశానికి చెందిన వాణిజ్య నౌకను సోమాలియా సముద్రపు దొంగలు హైజాక్ చేశారు. గతంలోనూ ఈ తరహా ఘటనలు చోటు చేసుకున్నాయి. -
December 13, 2001: పార్లమెంటుపై దాడి.. ఆ రోజు ఏం జరిగిందంటే..!
రెండు దశాబ్దాల కిందట ఇదే రోజు (డిసెంబర్ 13, 2001న) భారత పార్లమెంటుపై ఉగ్రవాదులు జరిపిన దాడి యావత్ దేశాన్ని కలవరపాటుకు గురిచేసింది.