అత్యధిక జీవన వ్యయమున్న దేశాలివీ..!
గ్రామాలతో పోలిస్తే.. నగరాల్లో జీవన వ్యయం(కాస్ట్ ఆఫ్ లివింగ్) ఎక్కువగానే ఉంటుంది. ఇంటి అద్దె, జీవనశైలి, ఖర్చులు, నిత్యవసరాల ధరల్లో వ్యత్యాసం ఉండటమే ఇందుకు కారణం. మన దేశంలో ఇతర ప్రాంతాలతో పోలిస్తే మెట్రో నగరాలైన దిల్లీ, కోల్కతా, చెన్నై, ముంబయి
ఇంటర్నెట్ డెస్క్: గ్రామాలతో పోలిస్తే.. నగరాల్లో జీవన వ్యయం(కాస్ట్ ఆఫ్ లివింగ్) ఎక్కువగానే ఉంటుంది. ఇంటి అద్దె, జీవనశైలి, ఖర్చులు.. ఇలా చాలా కారణాలున్నాయి. మన దేశంలో ఇతర ప్రాంతాలతో పోలిస్తే మెట్రో నగరాలైన దిల్లీ, కోల్కతా, చెన్నై, ముంబయి సహా హైదరాబాద్, బెంగళూరు, తదితర నగరాల్లో జీవన వ్యయం అధికంగా ఉంటుందని అందరికీ తెలుసు. అలాగే.. ప్రపంచ దేశాల్లో అత్యధిక జీవన వ్యయం ఉన్న టాప్టెన్ నగరాల జాబితాను ‘ది ఎకనామిస్ట్ ఇంటెలిజెన్స్ యూనిట్(ఈఐయూ)’ సంస్థ ఇటీవల విడుదల చేసింది. కొవిడ్ కారణంగా పలు నగరాల్లో నిత్యవసర వస్తువుల ధరల్లో హెచ్చుతగ్గులు, జీవనశైలిలో మార్పులు చోటుచేసుకున్నాయి. అంతర్జాతీయ కరెన్సీ విలువలోనూ మార్పులు జరిగాయి. దీంతో కరోనా కాలంగా మారిన 2020 ఏడాదికి గానూ దాదాపు 90 దేశాల్లోని 130 నగరాల్లో సుమారు 140 వస్తువుల ధరలు, రవాణా వ్యయం, అద్దె, పాఠశాల ఫీజులు, ఇతర సేవలకయ్యే ఖర్చులు తదితర అంశాల ఆధారంగా అత్యధిక జీవన వ్యయమున్న నగరాల జాబితాను రూపొందించింది. మరి ఆ నగరాలేవో తెలుసుకుందాం పదండి..
1. జ్యూరిక్, స్విట్జర్లాండ్
స్విట్జర్లాండ్ ఆర్థిక రాజధాని జ్యూరిక్. ది ఎకనామిస్ట్ ఇంటెలిజెన్స్ యూనిట్ రూపొందించిన అత్యధిక జీవన వ్యయం గల నగరాల్లో తొలి ర్యాంక్తో ప్రథమ స్థానంలో ఉంది. వరల్డ్ కాస్ట్ ఆఫ్ లివింగ్ ఇండెక్స్లో జ్యూరిక్ నగరానికి 103 పాయింట్లు వచ్చాయి. దాదాపు 4,34,335 జనాభా ఉన్న ఈ నగరంలో అత్యధిక బ్యాంకింగ్, ఫైనాన్సింగ్ సంస్థలున్నాయి. ఆర్థికంగా అభివృద్ధిలో ఉన్న ఈ నగరంలో జీవన వ్యయం ఎక్కువగా ఉంది. ముఖ్యంగా ఇక్కడ అద్దె, రవాణా ఖర్చులు ఎక్కువగా ఉంటాయి. లివింగ్ కాస్ట్.ఓఆర్జీ వెబ్సైట్ నివేదికల ప్రకారం.. ఈ నగరంలో నెలకి ఒక్కరికి అయ్యే ఖర్చు సుమారు 2,914 యూఎస్ డాలర్లు (₹2.14లక్షలు)గా ఉంటుంది.
2. పారిస్, ఫ్రాన్స్
పారిస్.. ఫ్రాన్స్ రాజధాని మాత్రమే కాదు, ప్రపంచంలో అత్యధిక మంది టూరిస్టులు పర్యటించే ప్రాంతాల్లో ఒకటి. ఈ నగరంలో దాదాపు 12,278,210 మంది జనాభా ఉండగా.. ఏటా ఇక్కడి జనాభాకు కొన్ని రెట్ల సంఖ్యలో పర్యటకులు ఇక్కడికి వస్తుంటారు. 17వ శతాబ్దం నుంచే ఈ పారిస్ నగరం ఆర్థికం, వాణిజ్యం, ఫ్యాషన్, సైన్స్, ఆర్ట్స్, పర్యటక రంగాలకు కేంద్ర బిందువుగా ఉంటోంది. అన్ని రంగాల్లోనూ దూసుకుపోతున్న ఈ నగరంలో జీవన వ్యయం కూడా జ్యూరిక్కు సమానంగా ఉంది. అందుకే జాబితాలో ఈ నగరానికి ఈఐయూ ఒకటో ర్యాంక్ కేటాయించింది. వరల్డ్ కాస్ట్ ఆఫ్ లివింగ్ ఇండెక్స్లోనూ పారిస్కు 103 పాయింట్లు వచ్చాయి.
3. హాంకాంగ్, చైనా
చైనా ప్రత్యేక పరిపాలన ప్రాంతంగా ఉన్న హాంకాంగ్ ప్రపంచంలో అత్యధిక జీవన వ్యయమున్న మూడో నగరం. అయితే, వరల్డ్ కాస్ట్ ఆఫ్ లివింగ్ ఇండెక్స్లోనూ పారిస్కు 103 పాయింట్లు ఉండటంతో దీనికి కూడా ఈయూఐ ఒకటో ర్యాంక్ ఇచ్చింది. ఈ నగరంలో వివిధ దేశాలకు చెందిన 75లక్షల మంది నివసిస్తున్నారు. ఉద్యోగరీత్యా వచ్చి స్థిరపడిన వారూ ఉన్నారు. అత్యధిక వేతనాలే కాదు, రియల్ ఎస్టేట్, ఖరీదైన జీవనశైలి ఈ నగరం సొంతం. ఈ నగరంలో జీవించాలంటే ఒక్కరికి నెలకు కనీసం 2,624 యూఎస్ డాలర్లు(₹1.93లక్షలు) ఖర్చవుతోందట.
4. సింగపూర్
సింగపూర్ భౌగోళికంగా చిన్న దీవి అయినా.. అత్యంత ధనికులున్న దేశంగా పేరుంది. ఇక్కడ 57లక్షల జనాభా ఉంటే.. దాదాపు 23లక్షల మంది విదేశీయులే స్థిరపడటం విశేషం. సింగపూర్ ఖరీదైన వస్తువులకు, విలాసవంతమైన హోటళ్లకు పెట్టింది పేరు. వ్యాపారవేత్తలు ఎక్కువగా ఉండే ఈ దేశం/నగరం కాస్ట్ ఆఫ్ లివింగ్ ఇండెక్స్లో 102 పాయింట్లతో.. ఈఐయూ జాబితాలో నాలుగో స్థానంలో ఉంది.
5. టెల్ అవీవ్, ఇజ్రాయిల్
ఇజ్రాయిల్లోని ఈ నగరం అత్యధిక జీవన వ్యయమున్న నగరాల జాబితాలో చోటు దక్కించుకుంది. టెల్ అవీన్ నగరం కాస్ట్ ఆఫ్ లివింగ్ ఇండెక్స్లో 101 పాయింట్లతో ఈఐయూ జాబితాలో ఐదో స్థానంలో నిలిచింది. ఈ నగరంలో దాదాపు 4,60,613 మంది నివసిస్తున్నట్లు గణాంకాలు వెల్లడించాయి. దేశంలో ఆర్థిక, సాంకేతిక రంగాలకు టెల్ అవీవ్ కేంద్రం బిందువుగా నిలిచింది.
6. ఒసాకా, జపాన్
వినూత్న సాంకేతిక ఆవిష్కరణలో ఎప్పుడూ ముందుంటుంది జపాన్. ఇక్కడ సాంకేతిక రంగంలో ఉద్యోగవకాశాలు ఎక్కువగా ఉంటాయి. దీంతో స్థానిక జనాభాతోపాటు ఇతర దేశస్థులు కూడా ఈ దేశంలో నివసిస్తుంటారు. ముఖ్యంగా ఇక్కడి మెట్రోపాలిటన్ ప్రాంతమైన ఒసాకా మహానగరంలో దాదాపు 2కోట్ల జనాభా ఉంది. ఈ ప్రాంతం ఎకనామిక్ హబ్గానూ దూసుకెళ్తోంది. ప్యానసోనిక్, షార్ప్ వంటి ఎలక్ట్రానిక్ కంపెనీల ప్రధాన కార్యాలయాలు ఇక్కడే ఉన్నాయి. కార్పొరేట్ కంపెనీలు అధికంగా ఉన్న ఈ నగరంలో జీవన వ్యయం కూడా అంతే ఎక్కువగా ఉంటోంది. కాస్ట్ఆఫ్ లివింగ్ ఇండెక్స్లో 101 పాయింట్లు కలిగిన ఒసాకా నగరం.. ఈఐయూ జాబితాలో ఐదో ర్యాంక్ దక్కించుకుంది.
7. జెనీవా, స్విట్జర్లాండ్
టాప్టెన్ అత్యధిక జీవన వ్యయమున్న నగరాల్లో రెండు నగరాలు స్విట్జర్లాండ్లోనే ఉండటం గమనార్హం. జ్యూరిక్ నగరంతోపాటు జెనీవా కూడా ఈ జాబితాలో చోటు సంపాదించుకుంది. దేశంలో జ్యూరిక్ తర్వాత రెండో అతిపెద్ద నగరమైన జెనీవాకు గ్లోబల్ సిటీగాను పేరుంది. ఐక్యరాజ్య సమితి, రెడ్క్రాస్ తదితర అంతర్జాతీయ సంస్థల కార్యాలయాలు ఇక్కడే ఉన్నాయి. అంతర్జాతీయ సమావేశాలు ఎక్కువసార్లు నిర్వహించిన నగరంగానూ దీనికి గుర్తింపు ఉంది. ఇక్కడ ఉద్యోగులకు జీతాలు ఎక్కువ.. ఖర్చులు ఎక్కువే. అందుకే జీవన వ్యయం జాబితాలో జెనీవా కాస్ట్ ఆఫ్ లివింగ్ ఇండెక్స్ 100 పాయింట్లతో ఏడో స్థానంలో నిలిచింది.
8. న్యూయార్క్, యూఎస్
అమెరికాలో అత్యధిక జనాభా ఉన్న నగరం న్యూయార్క్. ఈ నగరంలో గతేడాది జనాభా లెక్కల ప్రకారం 83.33లక్షల మంది నివసిస్తున్నారు. న్యూయార్క్ మహానగరాన్ని మినీ ప్రపంచంగా.. సంస్కృతి, ఆర్థికం, మీడియా రంగాలకు రాజధానిగా పేర్కొంటారు. అంతేకాదు.. వినోదం, వాణిజ్యం, పరిశోధన, సాంకేతిక, విద్య, రాజకీయాలు, పర్యటక రంగాలపై ఈ నగరం ప్రభావం ఎక్కువగా ఉంటుంది. అంతర్జాతీయ దౌత్యానికి న్యూయార్క్ నగరమే కీలకం. అత్యధిక జీవన వ్యయమున్న జాబితాలో ఈ నగరం కాస్ట్ ఆఫ్ లివింగ్ ఇండెక్స్లో 100 పాయింట్లతో ఏడో ర్యాంకులో ఉంది.
9. కోపెన్ హాగెన్, డెన్మార్క్
డెన్మార్క్ రాజధాని కోపెన్హాగెన్లో 7,94,128 మంది నివసిస్తున్నారు. చిన్నారులకు చెప్పే కథల్లో చాలా వరకు ఈ ప్రాంతంలో రచించినవేనని చరిత్రకారులు చెబుతుంటారు. ఆనంద నగరాల జాబితాలోనూ ఈ నగరం చోటు సంపాదించుకుంది. కెనాల్స్, రుచికరమైన ఆహారం, ఉద్యనవనాలకు ఈ నగరం ఫేమస్. ఎంతో చారిత్రక నేపథ్యమున్న ఈ నగరం పర్యటకం పరంగా కూడా అభివృద్ధి చెందింది. జీవన వ్యయాల జాబితాలో కోపెన్హాగెన్కు ఈఐయూ తొమ్మిదో ర్యాంక్ ఇచ్చింది. కాస్ట్ ఆఫ్ లివింగ్ ఇండెక్స్లో ఈ నగరానికి 96 పాయింట్లు ఉన్నాయి.
10. లాస్ ఏంజిల్స్, యూఎస్
లాస్ ఏంజిల్స్.. అమెరికాలోని కాలిఫోర్నియా రాష్ట్రంలోనే అతిపెద్ద నగరం. రాష్ట్రంలో 4 కోట్ల జనాభా ఉంటే.. లాస్ ఏంజిల్స్లో 40లక్షల జనాభా ఉంటుందని అంచనా. హాలీవుడ్ సినీ పరిశ్రమ ఈ నగరంలోనే ఉంది. సినీతారలు, సెలబ్రిటీలు చాలావరకు ఇక్కడే నివసిస్తుంటారు. అయితే, జీవన వ్యయాల జాబితాలో లాస్ ఏంజిల్స్ పదో స్థానమైనా.. ఈఐయూ ఈ నగరానికి తొమ్మిదో ర్యాంక్ కేటాయించింది. కాస్ట్ ఆఫ్ లివింగ్ ఇండెక్స్లో కోపెన్హాగెన్లాగే 96 పాయింట్లు దక్కించుకుంది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
గాడిద పాలతో నెలకు రూ.3 లక్షలు.. గుజరాత్ కుర్రాడి సక్సెస్ స్టోరీ!
Donkey Farm: ఉపాధిలేక గాడిదల ఫామ్ ప్రారంభించిన గుజరాత్ కుర్రాడు ధీరేణ్ సోలంకీ నెలకు రూ.2-3 లక్షల వరకు సంపాదిస్తున్నాడట. మరి ఆయన స్టోరీ ఏంటో చూద్దాం..! -
ఎడారి దేశంలో ఎందుకీ వరదలు.. క్లౌడ్ సీడింగ్ కారణమా?
అతి తక్కువ వర్షపాతం నమోదయ్యే ఎడారి దేశమైన యూఏఈలో కుండపోత వర్షాలకు ‘క్లౌడ్ సీడింగ్’ (Cloud seeding) కారణమనే అభిప్రాయాలున్నాయి. -
సింగం vs సింగై.. మధ్యలో గణపతి
త్వరలో జరగనున్న లోక్సభ ఎన్నికల్లో కోయంబత్తూర్ నుంచి భాజపా అభ్యర్థిగా అన్నామలై పోటీలో నిలిచారు. ఆయనకు పోటీగా డీఎంకే నుంచి మాజీ మేయర్ గణపతి రాజ్కుమార్, అన్నాడీఎంకే నుంచి సింగై రామచంద్రన్ బరిలో ఉన్నారు. -
కచ్చతీవు.. కథేంటి? అసలు ఎక్కడుంది ఈ దీవి?
భారత్కు చెందిన కచ్చతీవు దీవిని కాంగ్రెస్ సర్కార్ 1974లో శ్రీలంకకు అప్పగించింది. తమిళనాడు భాజపా నేత అన్నామలై ఆర్టీఐ ద్వారా సమాచారం సేకరించడంతో ఇది మళ్లీ వార్తల్లోకి వచ్చింది. -
ఆజానుబాహుడు.. ఆ బానిస 200 మంది పిల్లలకు తండ్రి..!
బ్రెజిల్కు చెందిన నల్లజాతి బానిస.. దాదాపు 200 మందికి పైగా చిన్నారులకు తండ్రయ్యాడు. -
Rainwater Harvesting: తక్కువ ఖర్చు.. ఇంట్లోనే వర్షపు నీటిని ఎలా ఆదా చేయొచ్చంటే?
అడుగంటిపోతున్న భూగర్భ జలాలకు పునర్జీవం ఇచ్చేందుకు తక్కువ ఖర్చుతో వాన నీటిని ఒడిసి పట్టే ప్రక్రియను ముంబయికి చెందిన వ్యక్తి రూపొందించాడు. -
Happiest Country: ఏడోసారి ‘హ్యాపీ’గా.. ఫిన్లాండ్ అద్భుత విజయానికి కారణాలివే!
ఇటీవల యూఎన్ ఆధారిత సంస్థ ప్రకటించిన ఆనందకర దేశాల జాబితాలో వరుసగా ఏడోసారి ఫిన్లాండ్ అగ్ర స్థానంలో నిలిచింది. ఈ అద్భుత విజయం వెనక కారణాలివే.. -
Underwater Metro: మరో అద్భుతం! నది కింద మెట్రో సర్వీసులు.. విశేషాలివే..
రైల్వే రవాణా చరిత్రలో మరో అద్భుత ఘట్టం ఆవిష్కృతం కానుంది. కోల్కతాలో నది కింద మెట్రో రైలు సర్వీసుల్ని ప్రధాని నరేంద్ర మోదీ బుధవారం ప్రారంభించబోతున్నారు. -
Wolfs: అక్కడ తోడేళ్లు అరవడం లేదట.. ఎందుకంటే?
తోడేళ్లు రాత్రి సమయాల్లో ఊళలు వేస్తుంటాయి. అయితే.. ఇటీవల మహారాష్ట్రలో తోడేళ్ల సముదాయాలు రాత్రిళ్లు ఇలా చేయడం లేదని ఒక సర్వేలో వెల్లడైంది. అసలు కారణం ఇదే.. -
పితృదేవతలకు అమావాస్యకూ ఉన్న సంబంధం ఏంటో తెలుసా?
ప్రతి మాసంలోనూ వచ్చే అమావాస్య, మహాలయ అమావాస్య పితృదేవతలకు ఎంతో ఇష్టమనీ, ఆ రోజు శ్రాద్ధ కర్మాదుల్ని చేస్తే మంచి ఫలితం ఉంటుందనీ పెద్దలంతా అంటుంటారు. అసలు పితృదేవతలకూ, అమావాస్యకూ ఉన్న సంబంధం ఏంటంటే.. -
సరస్వతీ దేవి రూపం ఎందుకంత విశిష్టమైనది?
Vasantha panchami: ఒకసారి సరస్వతి మూర్తిని గమనించండి - ఆమె ఒక చేతిలో వీణ (సంగీత వాయిద్యం), మరొక చేతిలో పుస్తకం ఉంటాయి. పుస్తకం, మన ఎడమ మెదడు చేసే కార్యకలాపాలను సూచిస్తుంది. ప్రాచీన వాయిద్యాల్లో ఒకటైన వీణ, సంగీతాన్ని, కళలను, సృజనాత్మకను.. మన కుడి మెదడు చేసే పనులను సూచిస్తుంది. -
Hindu Temple: అబుదాబిలో అతి పెద్ద ‘హిందూ ఆలయం’ రేపే ప్రారంభం.. ఈ విశేషాలు తెలుసా?
అరబ్ ఎమిరేట్స్ (యూఏఈ)లో అతిపెద్ద హిందూ ఆలయం ప్రారంభోత్సవానికి సిద్ధమైంది. ఫిబ్రవరి 14న ఈ ఆలయాన్ని ప్రారంభించేందుకు ప్రధాని నరేంద్ర మోదీ అక్కడికి చేరుకున్నారు. -
PV Narasimha Rao: అదీ పీవీ అంటే.. ఆర్థికం తెలియకున్నా.. వెనక్కి తగ్గలే!
ప్రధానిగా పీవీ నరసింహారావు చేసిన కృషి నిరుపమానమైంది.. దేశం దాదాపు దివాళా తీసే పరిస్థితులు ఉన్న కాలంలో ఆయన తీసుకున్న సాహసోపేతమైన నిర్ణయాలే ఈరోజు దేశాన్ని ఆర్థికంగా నిలదొక్కుకొనేలా చేశాయి. అలాంటి గొప్ప రాజనీతిజ్ఞుడైన పీవీకి కేంద్ర భారతరత్న పురస్కారం ప్రకటించిన సందర్భంగా ప్రత్యేక కథనం.. -
PV Narasimha Rao: పీఠాధిపతి కాబోయి.. ప్రధాని పీఠం అధిరోహించి..!
మాజీ ప్రధాని పీవీ నరసింహారావుకు కేంద్ర ప్రభుత్వం భారతరత్న పురస్కారం ప్రకటించిన నేపథ్యంలో ఆయన జీవితంలో కొన్ని అరుదైన ఘటనల గురించి తెలుసుకుందాం. -
PV Narasimha Rao: తెలుగువారి కోహినూరు.. పీవీ నరసింహారావు
బహుముఖ ప్రజ్ఞశాలి, మాజీ ప్రధాని, మన తెలుగు బిడ్డ పీవీ నరసింహారావుకు కేంద్రం భారతరత్న పురస్కారం ప్రకటించిన విషయం తెలిసిందే. బహు భాషాకోవిదుడైన ఆయన ముఖ్యమంత్రి, కేంద్రమంత్రి, ప్రధాని హోదాల్లో పనిచేసి దేశాన్ని అభివృద్ధి పథంలో నడిపేందుకు అవిశ్రాంతంగా కృషిచేశారు. తెలుగుజాతి గర్వించే పీవీ.. దేశ అత్యున్నత పౌర పురస్కారానికి ఎంపికైన సందర్భంగా ఈ ప్రత్యేక కథనం.. -
PV Narasimha Rao: భావిగతి మార్చిన సంస్కర్తకి భారతరత్న.. అప్పుల భారతాన్ని అభివృద్ధి వైపు నడిపిన పీవీ
PV Narasimha Rao: భారత ఆర్థిక మూలాల బలోపేతానికి మాజీ ప్రధాని పీవీ నరసింహారావు తీసుకున్న నిర్ణయాలు, కృషి అనిర్వచనీయమైనది. కేంద్ర ప్రభుత్వం ఆయనకు భారతరత్న ప్రకటించిన వేళ ఆ ఆసక్తికర విషయాలు.. -
Cervical cancer: ఏంటీ సర్వైకల్ క్యాన్సర్? ఎలా గుర్తించాలి?
సర్వైకల్ క్యాన్సర్.. ఏంటీ వ్యాధి..? ఎలా గుర్తించాలి? -
Explained: ట్యాబ్లెట్ల ప్యాకింగ్కు అల్యూమినియమే ఎందుకు?
ట్యాబ్లెట్ల ప్యాకింగ్కు అల్యూమినియంనే ఎందుకు వాడతారో తెలుసా? కారణమేంటి? -
Nitish Kumar: మళ్లీ జంప్..! ఎందుకంటే..?
బిహార్ సీఎం, జేడీయూ అధినేత నీతీశ్కుమార్ తిరిగి ఎన్డీయే గూటికి చేరే అవకాశాలున్నాయి. విపక్ష ‘ఇండియా’ కూటమిలో కీలక నేతగా ఉన్న ఆయన భాజపాతో చేతులు కలపడంపై పలు విశ్లేషణలు వెలువడుతున్నాయి. -
Karpoori Thakur: ‘కర్పూరీ’ లెక్కలు.. పాస్ చేస్తాయా?
సోషలిస్టు నేత, బిహార్ మాజీ సీఎం కర్పూరీ ఠాకూర్.. 1970, 80ల్లో ఎంబీసీ నేతగా వేసిన ముద్ర బిహార్ రాజకీయాలను మార్చివేసింది. -
శీతాకాలంలో మాయం.. వసంతంలో ప్రత్యక్షం.. ఎలా?
కీటకాలు, పురుగులు, సూక్ష్మజీవులు, పక్షులు.. నిత్యం ప్రకృతిలో సవాళ్లను ఎదుర్కొంటాయి. తమకంటే పెద్దవైన క్రూర జంతువుల నుంచి ప్రాణాలు కాపాడుకునేందుకు వివిధ రకాల వ్యూహాలను అనుసరిస్తుంటాయి.
తాజా వార్తలు (Latest News)
-
ఎట్టకేలకు తెలుగులో ‘OMG2’.. స్ట్రీమింగ్ ఎక్కడంటే?
-
టెక్ మహీంద్రా లాభంలో 41 శాతం క్షీణత.. ఒక్కో షేరుపై రూ.28 డివిడెండ్
-
విశాఖ ఉక్కు ప్రైవేటీకరణ.. ఏపీ హైకోర్టు కీలక ఆదేశం
-
యూపీఎస్సీ - 2025 పరీక్షల క్యాలెండర్ విడుదల.. ‘సివిల్స్’ పరీక్షలు ఎప్పుడంటే?
-
ప్రీమియర్ షోలో మెరిసిన తారలు.. అలియా అలా.. రష్మిక ఇలా..
-
కాళేశ్వరం ఆనకట్టలపై ఫిర్యాదులు, నివేదనలు కోరుతూ ప్రకటన జారీ