Published : 03 Sep 2020 11:10 IST

చెక్కతో ఎకో ఫ్రెండ్లీ కారు.. ఓ లుక్కేయండి..!

మరీ లాంగ్‌ ట్రిప్‌ అయితే కష్టమేనేమో!

కారు.. ఎక్కాలని, నడపాలని చాలామందికి కోరిక. కొత్త కారును కొనుగోలు చేయలేని వారు కనీసం పాత కారునైనా కొనుక్కొని ఆ ముచ్చటను తీర్చుకుంటుంటారు. ఇప్పటి వరకు మనకు తెలిసిన కార్లన్నీ ఉక్కు, అల్యూమినియం వంటి లోహాలతో తయారు చేస్తుంటారు. అయితే కేవలం చెక్కతో తయారు చేసిన కారు గురించి మీరు ఎప్పుడైనా విన్నారా..? కింద బేస్‌ మొత్తం లోహంతో చేసి పైన చెక్కతోనే రూపొందించిన ఓ ఎకో ఫ్రెండ్లీ కారు గురించి తెలుసుకుందాం... 

19వ శతాబ్దంలోనే చెక్కతో తయారు చేసిన కార్లు వచ్చాయి. అయితే వాటిని ఎక్కువగా వాహన తయారీదారులే వాడుకుంటూ వచ్చేవారు. అయితే 1978లో విలియమ్స్‌ టౌన్స్‌ రూపొందించిన ఇంటర్‌స్టైల్ హస్ట్లర్‌ కారు పర్యావరణహిత మోడల్‌ కావడం విశేషం. ఈయన అప్పట్లో ప్రాచుర్యం పొందిన ఆస్టిన్‌ మార్టిన్‌ లగోండా మోడల్‌ కారు రూపకర్త. కింద బేస్‌, గ్లాస్‌ తప్ప మిగతా చెక్కనే వినియోగించి ఇంటర్‌స్టైల్‌ కారును తయారు చేశాడు. హెడ్‌లైట్స్‌ను హిల్‌మాన్‌ హంటర్‌, టైయిల్‌లైట్స్‌ను ట్రింఫ్‌ డోలోమైట్‌ నుంచి తెప్పించాడు. అయితే 1982 మోడల్‌ హస్ట్లర్‌ ఉడెన్‌ వేరియంట్‌ను అత్యున్నత నైపుణ్యం కలిగిన కార్పెంటర్‌తో విడి భాగాలను తయారు చేయించాడు. కారు తలుపులు పెద్దగా ఉండి, పైన సామానును కట్టుకునేందుకు కూడా చెక్కనే వినియోగించాడు. ముందు, వెనుక రెండేసి సీట్లను ఏర్పాటు చేశాడు. కారును నడిపేటప్పుడు బాగా కుదుపులు, శబ్ధం వచ్చేవి. అయినా కొంచెం దూరం వెళ్లడానికి ఎలాంటి అసౌకర్యంగా అనిపించదు. అయితే వీటిపై లాంగ్‌ డ్రైవ్‌కు వెళ్లడం మాత్రం కాస్త ఇబ్బందే అని చెప్పుకోవచ్చు.

Read latest Explained News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని