Updated : 28 Oct 2021 04:46 IST

ఈ చేపలతో జాలర్లకు కాసుల పంట.. కిలో ₹13వేలు!

దిఘా‌: బెంగాల్‌లోని దిఘా మత్స్యకారులకు కాసుల పంట పండింది. అత్యంత అరుదైన రకానికి చెందిన తెలియా భోలా చేపలతో దిఘా మత్యకార సొసైటీకి పెద్ద మొత్తంలో ఆదాయం సమకూరింది. మంగళవారం 10 మంది జాలర్లు సముద్రంలో వేటకు వెళ్లగా వారి వలకు ఏకంగా 33 తెలియా భోలా చేపలు చిక్కాయి. దీంతో తమ సంఘం కార్యాలయం వద్ద వేలం వేయగా రికార్డు స్థాయిలో రూ.1.40 కోట్ల ధర పలికాయి.

వివరాల్లోకి వెళ్తే.. బెంగాల్‌లోని తూర్పుమేదినీపూర్‌ జిల్లా దిఘా ప్రాంతంలో మత్స్యకారులు సముద్రంలో చేపల వేటకు వెళ్లారు. అయితే, అనూహ్యంగా వారి వలకు ఈ అరుదైన రకానికి చెందిన భారీ చేపలు చిక్కాయి. ఒక్కో చేప బరువు 33 నుంచి 35కిలోల వరకు ఉన్నట్టు మత్స్యకారులు చెబుతున్నారు. ఈ చేపల్ని మెడికల్‌ క్యాప్సూల్స్‌ కవర్ల తయారీలో వాడటంతో వీటికి భారీ గిరాకీ ఉంటుంది. వీటి కోసం కొనుగోలుదారులు ఎగబడుతుంటారు. తమకు దొరికిన చేపల్ని వేలం వేయగా.. ఓ ఫార్మా కంపెనీ మొత్తం చేపల్ని దాదాపు రూ.1.4కోట్లకు కొనుగోలు చేసినట్టు మత్స్యకారులు వివరించారు. మొత్తం చేపల్ని కిలో రూ.13వేలకు చొప్పున విక్రయించినట్టు తెలిపారు. ఈ రకం చేపలు ఒక పట్టాన జాలర్లకు వలకు చిక్కవని, నడి సముద్రంలో సమూహాలుగా తిరుగుతాయని, కొన్నిసార్లు సమూహాల నుంచి విడిపోయినప్పుడు మాత్రమే ఇలా వలకు చిక్కుతాయని వివరించారు. ఈ చేపకు ఉన్నంత డిమాండ్‌ వీటి గుడ్లకు ఉండదని తెలిపారు.


Read latest General News and Telugu News

 Follow us on Facebook, Twitter, Instagram, Koo, ShareChat and Google News.

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని