ఏపీలో కరోనా.. కొత్తగా 9,536 కేసులు

అమరావతి: ఏపీలో కరోనా కేసుల తీవ్రత కొనసాగుతోంది. 24 గంటల వ్యవధిలో 72,233 నమూనాలను పరీక్షించగా 9,536 కరోనా పాజిటివ్‌ కేసులు నిర్ధారణ అయ్యాయి. దీంతో రాష్ట్రంలో కరోనా సోకిన వారి సంఖ్య 5,67,123కి చేరింది. ఒక్కరోజు వ్యవధిలో కరోనాతో చికిత్స పొందుతూ 66 మంది మృతిచెందారు. అనంతపురంలో జిల్లాలో 7 మంది, నెల్లూరు 7, ప్రకాశం 7, కడప 6, విశాఖపట్నం 6, చిత్తూరు 5, తూర్పుగోదావరి 5, కృష్ణా 5, కర్నూలు 5, గుంటూరు 4, విజయనగరం 4, పశ్చిమగోదావరి 3, శ్రీకాకుళంలో ఇద్దరు మరణించారు. దీంతో రాష్ట్రంలో ఇప్పటి వరకు కరోనాతో మృతిచెందిన వారి సంఖ్య 4912కి చేరింది. 24 గంటల వ్యవధిలో 10,131 మంది ఈ వ్యాధి నుంచి కోలుకున్నారు. ఇప్పటివరకు రాష్ట్రంలో 45,99,826 నమూనాలు పరీక్షించినట్లు వైద్యఆరోగ్యశాఖ బులెటిన్‌లో పేర్కొంది. 95,072 యాక్టివ్‌ కేసులున్నట్లు తెలిపింది.