ఎయిరిండియా విమానాల్లో వృద్ధులకు రాయితీ

దిల్లీ: తమ సంస్థ విమానాల్లో ప్రయాణించే వృద్ధులకు ఎయిరిండియా బంపర్‌ ఆఫర్‌ ప్రకటించింది. 60 ఏళ్లకు పైబడి ఉన్న వ్యక్తులకు తమ టికెట్‌ రుసుములో 50శాతం రాయితీ ఇవ్వనున్నట్లు ప్రకటించింది. ఇది కేవలం దేశీయ విమానాలకు మాత్రమే వర్తిస్తుందని తెలిపింది. ఈ మేరకు ఎయిరిండియా తన వెబ్‌సైట్‌లోకి పేర్కొంది. భారతీయులై ఉండి, భారత్‌లో నివసిస్తున్న అరవై ఏళ్లకు పైబడిన వారు ఈ ఆఫర్‌కు అర్హులని తెలిపింది. ప్రయాణం చేసే నాటికి వారికి 60 ఏళ్లు ఉండాలని వారు పేర్కొంది. ఈ రాయితీ కేవలం టికెట్‌ రుసుముపైనే కాకుండా డైరక్టర్‌ జనరల్‌ ఆఫ్‌ సివిల్‌ ఏవియేషన్ ‌(డీజీసీఏ) ప్రకటించిన అన్ని రుసుములకూ కలిపే 50 శాతం రాయితీ అని తెలిపారు. టికెట్‌ బుక్‌ చేసుకొనే సమయంలోనే ప్రజలు వారి గుర్తింపు కార్డును అనుసరించి వయసును నమోదు చేయాలని తెలిపారు. వీటిలో ఓటరు గుర్తింపు కార్డు, పాస్‌పోర్టు, డ్రైవింగ్‌ లైసెన్సు, ఎయిరిండియా జారీ చేసిన సీనియర్‌ సిటిజన్‌ గుర్తింపు కార్డులు అనుమతిస్తామని తెలిపారు. తనిఖీ సమయంలో సరైన గుర్తింపుకార్డులు సమర్పించకపోతే టికెట్‌ పూర్తి రుసుమును చెల్లించాల్సి ఉంటుందని తెలిపారు. ప్రయాణికులు ఈ రాయితీని ఉపయోగించుకొని దేశంలో ఏ ప్రాంతానికైనా వెళ్లొచ్చన్నారు. ప్రయాణానికి మూడురోజులు ముందుగా టికెట్ బుక్‌ చేసుకోవాల్సి ఉంటుందని వారు తెలిపారు.

ఇవీ చదవండి..

ఎయిరిండియా రేసులో టాటా గ్రూప్‌