బెయిల్‌ నిరాకరణపై సుప్రీంకోర్టుకు అర్ణబ్‌

న్యూదిల్లీ : రెండేళ్ల కిందట జరిగిన ఓ ఇంటీరియర్‌ డిజైనర్‌, అతడి తల్లి ఆత్మహత్య కేసుకు సంబంధించి అరెస్టైన ప్రముఖ జర్నలిస్టు అర్ణబ్‌ గోస్వామి సోమవారం బెయిల్‌ కోరుతూ బాంబే హైకోర్టును అభ్యర్థించారు. ఈ అభ్యర్థనను పరిశీలించిన న్యాయస్థానం అర్ణబ్‌కు మధ్యంతర బెయిల్‌ ఇవ్వడానికి నిరాకరించిన విషయం తెలిసిందే. ఈ నేపథ్యంలో బాంబే హైకోర్టు నిర్ణయాన్ని సవాలు చేస్తూ అర్ణబ్‌ తరఫు న్యాయవాది నిర్నిమేశ్‌ దూబే మంగళవారం సుప్రీంకోర్టును ఆశ్రయించారు. ఆత్మహత్య కేసులో నవంబరు 4న ముంబయి పోలీసులు అర్ణబ్‌ నివాసంలో అతడిని అరెస్టు చేసిన విషయం తెలిసిందే.