వ్యవసాయేతర ఆస్తుల నమోదుపై సీఎం కసరత్తు 

హైదరాబాద్: తెలంగాణ ప్రభుత్వం ప్రతిష్ఠాత్మకంగా ప్రవేశపెట్టిన ధరణి పోర్టల్‌ ద్వారా వ్యవసాయేతర భూముల రిజిస్ట్రేషన్‌ ప్రక్రియకు రంగం సిద్ధమవుతోంది. ఇప్పటికే ధరణి ద్వారా వ్యవసాయ ఆస్తుల రిజిస్ట్రేషన్‌ జరుగుతుండగా వ్యవసాయేతర ఆస్తుల ప్రక్రియను కూడా వీలైనంత త్వరగా ప్రారంభించాలని సీఎం కేసీఆర్‌ నిర్ణయించారు. ఇందుకు సంబంధించి సీఎం ఆదివారం ఉన్నతస్థాయి సమీక్ష నిర్వహించనున్నారు. 

ప్రభుత్వ ప్రధాన కార్యదర్శి సోమేశ్‌ కుమార్‌, రెవెన్యూ, రిజిస్ట్రేషన్‌ శాఖల ఉన్నతాధికారులతో ముఖ్యమంత్రి సమావేశమవుతారు. వ్యవసాయేతర భూముల రిజిస్ట్రేషన్‌ ప్రారంభించేందుకు తీసుకోవాల్సిన చర్యలు, ఎప్పటి నుంచి ప్రారంభించాలి? తదితర అంశాలపై అధికారులకు సీఎం దిశానిర్దేశం చేయనున్నారు.