దెందులూరులో పర్యటించిన కేంద్ర బృందం

దెందులూరు: పశ్చిమగోదావరి జిల్లా ఏలూరులో అంతుచిక్కని వ్యాధితో ప్రజలు అస్వస్థతకు గురవుతున్న నేపథ్యంలో కేంద్రం నుంచి వచ్చిన శాస్త్రవేత్తల బృందం దెందులూరులో పర్యటించింది. డా.సందీప్‌, డా.సాకేత్‌, డా.అవినాశ్‌తో కూడిన బృందం.. దెందులూరులోని ఓ దుకాణంలో ఉన్న క్రిమి సంహారక మందులను పరిశీలించింది. ఖరీఫ్‌లో పంటల సాగుకు రైతులు ఎలాంటి పురుగుమందులు వాడారని దుకాణ నిర్వాహకుడిని అడిగి వివరాలు నమోదు చేసుకుంది. అంతకుముందు ఏలూరు నగరానికి నీరందించే చెరువును శాస్త్రవేత్తల బృందం పరిశీలించింది. పొలాల్లో రైతులను కలిసి ఎటువంటి పురుగుమందులు వాడుతున్నారని ఆరా తీసింది. 

ఇదీ చదవండి..

వింత వ్యాధి తగ్గుముఖం పట్టింది: ఆళ్ల నాని