జూబ్లీహిల్స్‌ పెద్దమ్మ ఆలయం వద్ద భక్తుల రద్దీ

హైదరాబాద్‌: విజయదశమి సందర్భంగా నగరంలోని జూబ్లీహిల్స్‌ పెద్దమ్మ ఆలయానికి భారీగా భక్తులు తరలివచ్చారు. దసరా ఉత్సవాలను పురస్కరించుకుని తెల్లవారుజూము నుంచే పలువురు సినీ, రాజకీయ ప్రముఖులతో పాటు వేలాది మంది భక్తులు పెద్దమ్మను దర్శించుకున్నారు. ఈ సందర్భంగా అమ్మవారికి ప్రత్యేక పూజలు, అభిషేకాలు నిర్వహించారు. తొమ్మిది రోజులపాటు ఆలయంలో శరన్నవరాత్రి వేడుకలను అత్యంత వైభవంగా నిర్వహించినట్లు ఆలయ అధికారులు తెలిపారు. శరన్నవరాత్రి వేడుకలకు 4 నుంచి 5లక్షల మంది భక్తులు పాల్గొనగా ఇవాళ దసరా సందర్భంగా 35వేలకు పైగా భక్తులు హాజరై ప్రత్యేక పూజలు నిర్వహించినట్లు చెప్పారు.