రాయితీ ఉల్లి.. ఏడున్నవే తల్లీ!

అమరావతి‌: ఖరీదైనదిగా మారి, సామన్యుడు కొనలేని స్థితికి చేరిన ఉల్లి.. కొంతకాలం నుంచి వార్తల్లో నిలుస్తున్న విషయం తెలిసిందే. ధరలు పెరగటానికి కారణాలు ఏవైనా కొనాలంటే మాత్రం వినియోగదారుడు కన్నీరు పెట్టుకునేలా చేస్తోందీ ఉల్లి. ఈ నేపథ్యంలో రాయితీపై ఉల్లిని విక్రయిస్తామని, కిలో ఉల్లి రూ.40కే వినియోగదారుడికి అందేలా చేస్తామని ప్రకటించింది ఏపీ ప్రభుత్వం. కానీ ప్రభుత్వ నిబంధనలు ఎక్కడా సక్రమంగా అమలు కావటం లేదని ప్రజలు వాపోతున్నారు. రైతు బజార్లో రాయితీ ఉల్లి అందుబాటులో లేక... బయట అధిక ధరలకు కొనలేక తీవ్ర ఇబ్బందులు ఎదుర్కొంటున్నారు. కృష్ణా జిల్లా కంచిక చర్ల రైతు బజార్లోని పరిస్థితి ఇది. ఇక్కడ రాయితీ ఉల్లి అందుబాటులో ఉండేలా ప్రభుత్వం వెంటనే చర్యలు తీసుకోవాలని కోరుతున్నారు.