Published : 26 Aug 2020 16:37 IST

అంబటి రాంబాబుపై హైకోర్టులో పిటిషన్‌ 

అమరావతి: వైకాపా నేత, సత్తెనపల్లి ఎమ్మెల్యే అంబటి రాంబాబు అక్రమ మైనింగ్‌ చేస్తున్నారంటూ హైకోర్టులో పిటిషన్‌ దాఖలైంది. రాజుపాలెం మండలం కోట నెలమపురి, కొండమోడు గ్రామాల్లో అక్రమ మైనింగ్‌ జరిగిందని పేర్కొంటూ హైకోర్టు న్యాయవాది నాగరఘు పిటిషన్‌ దాఖలు చేశారు. రాజుపాలెం వైకాపా కార్యకర్తల తరఫున ఈ ప్రజాప్రయోజన వ్యాజ్యం దాఖలు చేశారు. పిటిషన్‌ విచారణ అర్హతపై ధర్మాసనం ప్రశ్నలు లేవనెత్తింది. అక్రమ మైనింగ్‌ జరుగుతున్నందునే పిటిషన్‌ వేశామని పిటిషనర్ న్యాయస్థానం దృష్టికి తీసుకెళ్లారు. 

రాజకీయ దురుద్దేశంతో దీన్ని దాఖలు చేశారని.. పిటిషన్‌కు విచారణార్హత లేదని ప్రభుత్వ న్యాయవాది వాదించారు. వైట్‌ లైమ్‌ స్టోన్‌, మొజాయిక్‌ చిప్స్‌ అక్రమ మైనింగ్‌ చేస్తున్నారని.. దీంతో రాష్ట్ర ఖజానాకు నష్టం వాటిల్లుతోందని కోర్టుకు తెలిపారు. ఈ వ్యవహారంపై సీబీఐతో విచారణ జరిపించాలని పిటిషనర్‌ కోరారు. వైకాపా కార్యకర్తలు వేస్తే ప్రజాప్రయోజన వ్యాజ్యం ఎలా అవుతుందని హైకోర్టు ప్రశ్నించగా.. న్యాయస్థానానికి పూర్తి వివరాలు చెప్పాల్సిన బాధ్యత తమపై ఉందని న్యాయవాది నాగరఘు చెప్పారు. దీనిపై స్పందించిన ఉన్నత న్యాయస్థానం.. అక్రమ మైనింగ్‌పై వెంటనే నివేదిక ఇవ్వాలని ప్రభుత్వ న్యాయవాదికి ఆదేశించింది. అనంతరం తదుపరి విచారణను వచ్చే నెలకు వాయిదా వేసింది.

Read latest General News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

సుఖీభవ

మరిన్ని