Gautam Sawang: ఏపీపీఎస్సీ ఛైర్మన్‌గా గౌతమ్‌ సవాంగ్‌!

అమరావతి: ఏపీపీఎస్సీ ఛైర్మన్‌గా మాజీ డీజీపీ గౌతమ్‌ సవాంగ్‌ను రాష్ట్ర ప్రభుత్వం నియమించనుంది. రెండురోజుల క్రితం వరకు డీజీపీగా కొనసాగిన ఆయన్ను బదిలీ చేసి జీఏడీలో రిపోర్ట్‌ చేయాలని ఆదేశించిన ప్రభుత్వం.. తాజాగా ఏపీపీఎస్సీ ఛైర్మన్‌గా నియమించింది. కొద్దిసేపట్లో దీనికి సంబంధించిన అధికారిక ఉత్తర్వులు వెలువడే అవకాశముంది.

ఏపీపీఎస్సీ ఛైర్మన్‌గా ఉన్న ఉదయ్‌భాస్కర్‌ పదవీకాలం ఆరునెలల క్రితం పూర్తయింది. అప్పటి నుంచి  పదవి ఖాళీగా ఉంది. ఈ నేపథ్యంలో ఇటీవలే డీజీపీ పోస్టు నుంచి బదిలీ చేసిన సవాంగ్‌ను ఏపీపీఎస్సీ ఛైర్మన్‌గా నియమించాలని ప్రభుత్వం నిర్ణయించింది.