‘గండికోట’ పిటిషన్లపై విచారణ వాయిదా

అమరావతి: కడపజిల్లా గండికోట జలాశయ నిర్వాసితులకు నష్టపరిహారంపై హైకోర్టులో ఇవాళ విచారణ జరిగింది. ఈ వ్యవహారంపై దాఖలైన 4 పిటిషన్లను ఉన్నత న్యాయస్థానం విచారించింది. అన్ని వ్యాజ్యాల్లో కౌంటర్‌ దాఖలు చేయాలని ప్రభుత్వాన్ని ఆదేశిస్తూ.. తర్వాతి విచారణను అక్టోబర్‌ 7కి వాయిదా వేసింది. తమకు పూర్తిస్థాయిలో పరిహారం అందించి పునరావాస కాలనీలో ఇళ్ల నిర్మాణానికి రెండేళ్లు గడువు ఇవ్వాలని డిమాండ్‌ చేస్తూ గండికోట జలాశయ నిర్వాసితులు గత కొన్ని రోజులుగా ఆందోళన చేస్తున్న విషయం తెలిసిందే. 2017 నాటికి ఉన్న కటాఫ్‌ డేట్‌ను ఈ ఏడాది డిసెంబరు 31వ తేదీకి వరకు పెంచాలని వారు కోరుతున్నారు. ముంపు నిర్వాసితులకు ఆర్‌అండ్‌ఆర్‌ ప్యాకేజీ కింద రూ.12.50 లక్షలు అందజేయాలని వారు డిమాండ్‌ చేస్తు్న్నారు.