ఐఆర్‌సీటీసీ ఇకపై మరింత మెరుగ్గా..!

దిల్లీ: భారత రైల్వే క్యాటరింగ్‌ అండ్‌ టూరిజం కార్పొరేషన్‌(ఐఆర్‌సీటీసీ) ఈ-టికెటింగ్‌ వెబ్‌సైట్‌లో ప్రయాణికుల బుకింగ్‌ సౌలభ్యం కోసం మెరుగైన ఫీచర్లు జోడిస్తున్నామని కేంద్రమంత్రి పీయూష్‌ గోయల్‌ శుక్రవారం తెలిపారు. వినియోగదారులు సులభంగా దీనిని వాడుకొనేలా ఈ వెబ్‌సైట్‌ను అప్‌డేట్‌ చేస్తున్నట్లు రైల్వేశాఖ ఒక అధికారిక పత్రికా ప్రకటనలో తెలిపారు. కేంద్ర రైల్వే, వాణిజ్యశాఖ మంత్రి పీయూష్‌గోయల్‌ ఈ-టికెటింగ్‌ వ్యవస్థ నవీకరణ పనులను సమీక్షిస్తున్నట్లు వారు పేర్కొన్నారు. 2014 నుంచి ఈ టికెటింగ్‌ వ్యవస్థలో భాగంగా ప్రయాణికుల టికెట్ బుకింగ్‌తో పాటు ప్రయాణ సౌకర్యాలను మెరుగు పరిచేందుకు కృషి చేస్తోంది. ఇది ప్రయాణికులకు మొదటి మిత్రుడిగా మారిందని ఆ ప్రకటనలో తెలిపారు. దీనిని వినియోగించిన వారికి సౌకర్యం, స్నేహపూర్వక అనుభవాల్ని అందించేందుకు ప్రయత్నిస్తున్నామని వెల్లడించారు. ఈ డిజిటల్‌ ప్రపంచంలో ప్రజలు ఎక్కువశాతం ఆన్‌లైన్‌లో టికెట్లు బుక్‌ చేసుకొనేందుకే మొగ్గు చూపుతున్నారు. అందువల్ల ఐఆర్‌సీటీసీని నిరంతరం మెరుగుపరుస్తుంటామని పేర్కొన్నారు.

ఇవీ చదవండి..

గుండెపోటుకు వజ్ర చికిత్స