Published : 01/12/2020 01:31 IST

తొలి జేమ్స్‌బాండ్‌ హీరో మృతికి కారణం ఇదే..

ఇంటర్నెట్‌ డెస్క్‌ : జేమ్స్‌ బాండ్‌ తొలి పాత్రధారి సీన్‌ కానరీ గత నెల కన్నుమూసిన విషయం తెలిసిందే. 90వ పుట్టిన రోజు జరుపుకొన్న ఆయన మూడు నెలలు తిరగకుండానే మృతి చెందడంతో హాలీవుడ్‌ పరిశ్రమతో పాటు ఆయన అభిమానులు విచారం వ్యక్తం చేశారు. అయితే తాజాగా ఆయన మృతికి గల కారణాలు వెల్లడయ్యాయి. నిద్రలోనే కన్నుమూసిన ఆయనకు వయసు భారంతో పాటు నిమోనియా ఉండటం వల్ల గుండె పని చేయడం ఆగిపోయింది. ఈ కారణంతో ఆయన మృతి చెందినట్లు డెత్‌ రిపోర్టులు స్పష్టం చేస్తున్నాయి. 

తొలుత ఈయన మృతికి సంబంధించి కారణాలు వెల్లడి కాలేదు. సహజ మరణంగానే అందరూ భావించారు. ప్రపంచ వ్యాప్తంగా అభిమానులను సొంతం చేసుకున్న కానరీ ఆస్కార్‌ పురస్కారంతో పాటు చాలా ప్రతిష్ఠాత్మక అవార్డులు అందుకున్నారు. 2006లో అమెరికా ఫిల్మ్‌ ఇన్‌స్టిట్యూట్‌ నుంచి జీవిత సాఫల్య పురస్కారం అందుకున్న కానరీ తన నట జీవితానికి విరామం పలికారు. జేమ్స్‌ బాండ్స్‌ పాత్రధారిగా ఆయన ఆరు చిత్రాల్లో నటించారు.

Read latest General News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని