రాఖీ కోసం.. జనజీవన స్రవంతిలోకి

రాయ్‌పూర్‌(ఛత్తీస్‌గఢ్‌‌): అన్నాచెల్లెళ్ల అనుబంధం ఎంతో విలువైంది. అలాంటి బంధాన్ని కాపాడుకోవడానికి ఒకరికొకరు ఎంతటి త్యాగానికైనా సిద్ధపడతారు. ఇలాంటి ఘటనే ఛత్తీస్‌గఢ్‌లో చోటు చేసుకుంది.
తోబుట్టుచెల్లి కోరగానే రక్షాబంధన్‌ రోజున అన్న ఆయుధాన్ని వదిలి జనజీవన స్రవంతిలోకి వచ్చేశాడు. దంతెవాడకు చెందిన మల్లా మావోయిస్టు దళంలో డిప్యూటీ కమాండర్‌గా ఉన్నాడు. అనేక బాంబు పేలుళ్లలో అతడి హస్తముంది. మల్లాపై రూ.8లక్షల రివార్డు కూడా ఉంది. పోలీసులు రక్షాబంధన్‌ రోజున అతడి చెల్లి ద్వారా వామపక్ష భావజాలాన్ని వదిలి రావాల్సిందిగా విజ్ఞప్తి చేయించారు. చెల్లెలి కోసం ఎట్టకేలకు మల్లా అడవిని, ఉద్యమాన్ని, ఆయుధాన్ని వీడి జనజీవనంలోకి వచ్చాడు. అతడి చెల్లి మల్లాకు రాఖీ కట్టి మిఠాయిలు తినిపించి మురిసిపోయింది.

► Read latest General News and Telugu News

► Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.