హాథ్రాస్‌ కేసులో ఎన్సీడబ్ల్యూ నోటీసులు  

దిల్లీ : హాథ్రాస్‌లో జరిగిన ఘటనపై వివాదాస్పద వ్యాఖ్యలు చేసిన భాజపా నాయకుడికి జాతీయ మహిళా కమిషన్‌ నోటీసులు పంపింది. యూపీలోని బారాబంకీ చెందిన భాజపా నాయకుడు రంజిత్‌ శ్రీవాస్తవ ఈ కేసులో నిందితులుగా ఉన్న నలుగురు వ్యక్తులు అమాయకులని అన్నారు. ఈ వ్యాఖ్యలు ఎన్సీడబ్ల్యూ దృష్టికి రావడంతో ఆ నాయకుడి మాటలను ఖండించింది. ఆయన చేసిన వ్యాఖ్యలకు సంబంధించి అక్టోబరు 26వ తేదీలోపు తమ వద్దకు వచ్చి వివరణ ఇవ్వాలని పేర్కొంది. మరోవైపు ఈ కేసులో ఆరోపణలు ఎదుర్కొంటున్న నలుగురు నిందితులను పోలీసులు అరెస్టు చేశారు. ఈ కేసును ఛేదించడానికి యూపీ ప్రభుత్వం ప్రత్యేక దర్యాప్తు బృందాన్ని(సిట్‌) నియమించిన విషయం తెలిసిందే.