పైపులైన్‌ లీకేజీ.. కొట్టుకుపోయిన వేరుశనగ పంట

కళ్యాణదుర్గం గ్రామీణం: అనంతపురం జిల్లా కళ్యాణ దుర్గం మండలం పాపంపల్లి గ్రామం వద్ద వెంకటేశులు అనే రైతు పొలంలో శ్రీరామిరెడ్డి నీటి పథకం పైపులైన్‌ పగిలింది. దీంతో ఎకరా వేరుశనగ పంట నీటిలో కొట్టుకుని పోయింది. సుమారు రూ.30 వేల వరకు పంటనష్టం జరిగిందని బాధిత రైతు తెలిపారు. పైపులైన్‌ మరమ్మతుకు పక్కనే ఉన్న గేట్‌వాల్‌ తెరవడంతో నీరంతా ఒక్కసారిగా పైకి ఎగసిపడి పౌంటెయిన్‌ను తలపించింది. శాశ్వత పైపు లైన్‌ను ఏర్పాటు చేసి నీళ్ల లీకేజీని అరికట్టాలని ఈ సందర్భంగా రైతులు అధికారులను కోరుతున్నారు.