అడవి నుంచి తప్పించుకొని గుడిలోకి దూరిన గజం..

తమిళనాడులో అడవి నుంచి తప్పించుకొని వచ్చిన గజరాజు ఓ మందిరంలోకి ప్రవేశించి.. స్థానికులను ఆందోళనకు గురి చేసింది. ఈరోడ్‌ జిల్లాలో ఉన్న బన్నారి అమ్మన్‌ మందిరంలోకి ఓ అడవి ఏనుగు చొరబడింది. సమీపంలో ఉన్న సత్యమంగళం టైగర్‌ రిజర్వ్‌ ఫారెస్ట్‌ నుంచి ఈ గజరాజు వచ్చినట్లు తెలుస్తోంది. మందిరం పరిసరాల్లో తిరిగిన ఏనుగు.. అక్కడి ద్విచక్ర వాహనాన్ని, ఓ తోపుడు బండిని ధ్వంసం చేసింది. భయాందోళనకు గురైన స్థానికులు.. వెంటనే అటవీ శాఖ అధికారులకు సమాచారం అందించారు. ఆలయం వద్దకు చేరుకున్న అధికారులు.. ఏనుగును నియంత్రించేందుకు ప్రయత్నించారు. అరగంట పాటు శ్రమించిన అనంతరం అడవిలోకి పంపించారు.