AP news: పులివెందులలో ఆగ్రో ఎకోలాజికల్‌ రీసెర్చ్‌ సెంటర్‌

అమరావతి: కడప జిల్లా పులివెందులలో జర్మనీ సహకారంతో ఆగ్రో ఎకోలాజికల్‌ రీసెర్చ్‌ సెంటర్‌ ఏర్పాటు చేయాలని నిర్ణయించినట్టు రాష్ట్ర వ్యవసాయశాఖమంత్రి కె.కన్నబాబు స్పష్టం చేశారు. వ్యవసాయరంగంలో మరింత లోతైన పరిశోధన, సిబ్బందికి సాంకేతిక శిక్షణ కోసం ఈ పరిశోధనాకేంద్రం ఏర్పాటు చేస్తున్నట్టు ఆయన వివరించారు. రీసెర్చ్‌ సెంటర్ ఏర్పాటు కోసం జర్మనీ రూ.170కోట్ల గ్రాంట్‌ను అందించనుందని మంత్రి తెలిపారు. ప్రకృతి వ్యవసాయానికి ప్రాధాన్యత ఇచ్చేలా ఈ పరిశోధన, శిక్షణా కేంద్రం పనిచేయనుందని మంత్రి కన్నబాబు వివరించారు. జర్మనీకి చెందిన కెడబ్ల్యూఎఫ్‌ బ్యాంకు ప్రతినిధులు మంత్రితో సమావేశమై వివిధ అంశాలపై చర్చించారు.