Published : 11/11/2020 02:13 IST

రెండో క్లాసులోనే గిన్నిస్‌ రికార్డు!

ఇంటర్నెట్‌ డెస్క్‌: గుజరాత్‌లోని అహ్మదాబాద్‌కు చెందిన ఓ బుడతడు ప్రపంచంలోనే అతి చిన్న వయసు కంప్యూటర్‌ ప్రోగ్రామర్‌గా గిన్నిస్‌ రికార్డుల్లోకి ఎక్కాడు. నగరంలోని ఉద్గమ్‌ స్కూల్‌లో రెండో తరగతి చదువుతున్న అర్హమ్‌ ఓం తల్సానియా.. ఆరేళ్ల వయసులో ఈ ఘనత సాధించాడు. జనవరి 24, 2013లో పుట్టిన అర్హమ్‌, తన ఏడో జన్మదినానికి ఒక్క రోజు ముందే గిన్నిస్‌ ప్రపంచ రికార్డును సొంతం చేసుకున్నాడు. కాగా ఈ విషయాన్ని సాంకేతిక దిగ్గజం మైక్రోసాఫ్ట్‌ కూడా ధృవీకరించింది.

అర్హమ్‌ తండ్రి ఓం తల్సానియా సాఫ్ట్‌వేర్‌ ఇంజినీర్‌. ఈ చిన్నారి రెండేళ్ల వయసులోనే టాబ్లెట్‌ను ఉపయోగించటం ప్రారంభించాడు. అనంతరం విండోస్‌, ఐఓఎస్‌లతో పనిచేసే పలు గ్యాడ్జెట్లను వాడటమే కాకుండా వివిధ కంప్యూటర్‌ పజిల్స్‌ను కూడా ఛేదించేవాడట. వీడియో గేమ్స్‌ ఆడుతూ ఉండగా తల్సానియాకు కొత్త వాటిని రూపొందించాలనే ఆలోచన వచ్చిందట. తన కుమారుడి ఆసక్తి గమనించి ప్రోగ్రామింగ్‌లో ప్రాథమిక శిక్షణ ఇచ్చినట్టు అర్హమ్‌ తండ్రి వివరించారు. నేర్చుకోవటమే కాకుండా ఈ గడుగ్గాయి పైథాన్‌ ప్రోగ్రామింగ్‌ లాంగ్వేజ్‌లో చిన్ని చిన్న గేమ్స్‌ కూడా స్వయంగా తయారుచేసేవాడు. అందుకు రుజువుగా తను చేసిన ఏదైనా వర్క్‌ను పంపమని మైక్రోసాఫ్ట్‌ అడిగిందని.. అవి పంపిన వెంటనే తనకు సర్టిఫికెట్‌ వచ్చిందని చెప్పాడీ బుడతడు.

యాప్స్‌, గేమ్‌లు, కోడింగ్‌ అంటే చాలా ఇష్టమంటున్న ఈ చిన్నారికి.. వ్యాపారవేత్తగా రాణిస్తూ అవసరంలో ఉన్న ప్రతి ఒక్కరికీ సహాయం చేయాలనేది ఆశయమట. పిట్ట కొంచెం కూత ఘనమనే విధంగా ఆరేళ్లకే గిన్నిస్‌ ఘనతను సాధించిన అర్హమ్‌ ఓం తల్సానియాకు నెటిజన్లతో పాటు మైక్రోసాఫ్ట్‌ కూడా ప్రత్యేకంగా అభినందనలు తెలిపింది.

Read latest General News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని