తిరుమలలో వైభవంగా హంసవాహన సేవ

తిరుపతి: తిరుమల శ్రీవారి వార్షిక బ్రహ్మోత్సవాలు వైభవంగా జరుగుతున్నాయి. బ్రహ్మోత్సవాల్లో భాగంగా రెండోరోజు రాత్రి స్వామివారు హంస వాహనంపై దర్శనమిచ్చారు. వాహన సేవను శ్రీవారి ఆలయంలోని కల్యాణ మండపంలో అర్చకులు కొలువుదీర్చారు. సర్వతీమూర్తి అలంకారంలో స్వామివారు దర్శనమిచ్చారు. బ్రహ్మోత్సవాల్లో 14 వాహనాలపై శ్రీనివాసుడి దర్శన భాగ్యం భక్తులకు కలగనుంది. ఈ ఉదయం స్వామివారికి చిన్నశేష వాహనసేవ జరిగింది. మురళీకృష్ణుడి అలంకారంలో స్వామివారు చిన్నశేష వాహనంపై కొలువుదీరారు. కొవిడ్‌ నిబంధనల మేరకు ఉత్సవాలను ఆలయానికే పరిమితం చేశారు.