బంజారాహిల్స్‌ పోలీసులను సన్మానించిన హిజ్రాలు

బంజారాహిల్స్‌: తరచూ వేధింపులకు గురిచేసే వ్యక్తికి శిక్ష పడేలా చేశారంటూ హైదరాబాద్‌ బంజరాహిల్స్‌ పోలీసులను హిజ్రాలు సత్కరించారు. కుర్మ వెంకట్‌ అనే వ్యక్తికి కోర్టులో శిక్ష పడేలా చేసినందుకు పోలీసులకు ధన్యవాదాలు తెలిపారు. గతంలో బంజరాహిల్స్‌ పోలీస్‌స్టేషన్‌ పరిధిలో కుర్మ వెంకట్‌ అతని ముఠా హిజ్రాలను వేధింపులకు గురి చేయడంతో పోలీసులను ఆశ్రయించి ఫిర్యాదు చేశారు. కేసు నమోదు చేసిన పోలీసులు దర్యాప్తు చేసి శిక్ష పడేలా సాక్ష్యాధారాలు సేకరించి కోర్టుకు సమర్పించారు. విచారణ అనంతరం న్యాయస్థానం కుర్మ వెంకట్‌కు శిక్ష విధించింది. ఈ సందర్భంగా హిజ్రాలు బంజారాహిల్స్ పోలీస్‌స్టేషన్‌కు చేరుకుని ఏసీపీ, సీఐలను సత్కరించారు.