విశాఖ బీచ్‌రోడ్డులో యువకుల హల్‌చల్!

ఇంటర్నెట్‌ డెస్క్‌ : విశాఖ బీచ్‌రోడ్డులో కొందరు యువకులు హల్‌చల్‌ చేసిన దృశ్యాలు సామాజిక మాధ్యమాల్లో వైరల్‌గా మారాయి. వేగంగా వెళుతున్న కారును ఆపటంతో అందులోని యువకులు పోలీసులతో దురుసుగా ప్రవర్తించారు. దాంతో మాటామటా పెరిగి కొంతసేపు వాగ్వాదం జరిగింది. ఆ తరువాత ఈ విషయాన్ని సీఐకి వివరించిన కానిస్టేబుళ్లు లిఖిత పూర్వక ఫిర్యాదును ఇచ్చారు. కానీ సీఐ కేసు నమోదు చేయలేదు. బీచ్‌ రోడ్‌ దృశ్యాలు సామాజిక మాధ్యమాల్లో చూసిన పోలీసు ఉన్నతాధికారులు కేసు నమోదు చేయకపోవటంపై ఆగ్రహం వ్యక్తం చేశారు. ఈ విషయంలో నిర్లక్ష్యం వహించారంటూ సీఐని వీఆర్‌కు పంపారు. ఆ తరువాత నిందితులపై కేసు నమోదు చేశారు.